കുറ്റ്യാടി: കുറ്റ്യാടി യതീഖാന ടൗണ്‍ ജുമാമസ്ജിദിന് സമീപത്തുകൂടി കടന്നുപോകുന്ന നടപ്പാത ശുചീകരണത്തിന് ശേഷം പുനര്‍സ്ഥാപിച്ചില്ലെന്ന് പരാതി. കഴിഞ്ഞ ദിവസം പഞ്ചായത്ത് ഓവുചാല്‍ ശുചീകരിക്കുന്നതിന്റെ ഭാഗമായി നടപ്പാത എടുത്ത് മാറ്റിയിരുന്നു. എന്നാല്‍ ശുചീകരണത്തിന് ശേഷം തൊഴിലാളികള്‍ പൂര്‍വസ്ഥിതിയിലാക്കാതെയാണ് മടങ്ങിയത്. കുറ്റ്യാടി എം.ഐ.യു.പി സ്‌കൂള്‍, മിസ്ബാഹുല്‍ഹുദാ വനിതാ കോളജ് എന്നിവിടങ്ങളിലേക്ക് വിദ്യാര്‍ഥികളും സഹകരണാശുപത്രിയിലേക്ക് രോഗികളും മറ്റും പോകുന്ന വഴിയാണിത്. സ്‌കൂള്‍ ഇന്ന് തുറക്കാനിരിക്കെ പുനര്‍സ്ഥാപനം വൈകുന്നത് പ്രതിഷേധത്തിനിടയായിട്ടുണ്ട്.