ഈരാററുപേട്ട : കഴിഞ്ഞ ദിവസം രാവിലെ 11 ന് ഉണ്ടായ മണ്ണിടിച്ചിലില്‍ പൂഞ്ഞാര്‍ കൈപ്പള്ളിയിലിള്ള മുത്തനാട്ട്് സണ്ണിയുടെ ഒരേക്കറോളം കൃഷിഭൂമി ഒലിച്ചുപോയി.
തോരാത്ത മഴയിലുംകാറ്റിലും ഭീതിയിലായി മലയോരമേഖല ഉരുള്‍പൊട്ടലിന്റെയും മരങ്ങള്‍ ഒടിഞ്ഞുവീഴുന്നതിന്റെയും മണ്ണിടിച്ചിലിന്റെയുമൊക്കെ ഭീഷണിയിലാണ്.. മഴയില്‍ മണ്ണിടിച്ചിലിനും സാധ്യതയേറെയാണ്. ഇതിനിടെ മീനച്ചിലാറിലെ ജലനിരപ്പ ്ഉയര്‍ന്നതിനാല്‍ തീരത്ത് താമസിക്കുന്നവര്‍ ഭീതിയിലാണ്.
കഴിഞ്ഞ മാസം മലയോര മേഖലമാത്രം ആയിരത്തിലേറെ റബര്‍ മരങ്ങള്‍ കാറ്റത്ത് ഒടിഞ്ഞും കടപുഴകിയും നശിച്ചു. കൂടാതെ ആഞ്ഞിലി, തേക്ക്, മാവ്, പ്ലാവ്, തെങ്ങ്, കമുക് തുടങ്ങി നൂറുകണക്കിനു മരങ്ങളും കാറ്റില്‍ കടപുഴകി വീണിരുന്നു.
കാലവര്‍ഷം തുടങ്ങും മുന്‍പേ കപ്പ, വാഴ തുടങ്ങിയ കൃഷികള്‍ ചെയ്തിരിക്കുന്ന കര്‍ഷകര്‍ ആശങ്കയിലാണ്.