ചങ്ങനാശേരി:ദാരിദ്ര്യം ഇല്ലാത്ത എല്ലാവരും സുഭിക്ഷമായി കഴിയുന്ന നല്ല നാളെയാണ് മുസ്ലീം ലീഗ് വിഭാവനം ചെയ്യുന്നതെന്ന് ജില്ലാ പ്രസിഡന്റ് അസീസ് ബഡായില്‍ പറഞ്ഞു.
ചങ്ങനാശേരി മുനിസിപ്പല്‍ കമ്മിറ്റിയുടെ ശിഹാബ് തങ്ങള്‍ റിലീഫ് 2018 പുതുവസ്ത്രവിതരണം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് ലത്തീഫ് മമ്മ്രാന്‍ അധ്യക്ഷനായി. നിയോജകണ്ഡലം പ്രസിഡന്റ് സാബു മുല്ലശ്ശേരി മുഖ്യപ്രഭാഷണം നടത്തി. റീലിഫ് കമ്മറ്റി ചെയര്‍മാന്‍ സി.എം റഹ്മത്തുള്ള സ്വാഗതം പറഞ്ഞു.
മുനിസിപ്പല്‍ ആക്ടിംഗ് ചെയര്‍മാന്‍ റ്റി.പി അനില്‍കുമാര്‍, ജില്ലാ ഭാരവാഹികളായ ഹസ്സന്‍ലാല്‍, പി.എ സലിം, എന്‍.എ.എം സാലിഫ്, എസ്.റ്റി.യു ജില്ലാ സെക്രട്ടറി കെ.എസ് ഹലീല്‍ റഹ്മാന്‍, മണ്ഡലം ഭാരവാഹികളായ പി.എം കബീര്‍, ലത്തീഫ് ഓവേലി, കെന്യ ഷാഹുല്‍, ജില്ലാ കൗണ്‍സിലര്‍മാരായ സലിം പെത്താണിപറമ്പ്, ഷാജഹാന്‍ യൂനുസ് എന്നിവര്‍ പ്രസംഗിച്ചു.