വെട്ടത്തൂര്‍: യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടിയുടെ തെരെഞ്ഞെടുപ്പ് പ്രചാരണാര്‍ഥം യു.ഡി.വൈ.എഫ് വെട്ടത്തൂര്‍ പഞ്ചായത്ത് കമ്മിറ്റി പദയാത്രയും പൊതുയോഗവും നടത്തി. മണ്ണാര്‍മല ആലുങ്ങല്‍ ജങ്ഷനില്‍ നിന്ന് ആരംഭിച്ച റാലി മുന്‍ മന്ത്രി വി.എസ് ശിവകുമാര്‍ എം.എല്‍.എ ഉദ്ഘാടനം ചെയ്തു. കേന്ദ്രത്തില്‍ ബി.ജെ.പിക്ക് ബദലായി മതേതര ജനാധിപത്യ ചേരിയെ കെട്ടിപ്പടുക്കാന്‍ കോണ്‍ഗ്രസിനു മാത്രമേ സാധിക്കുകയുള്ളൂവെന്ന് അദ്ദേഹം പറഞ്ഞു. ഈസ്റ്റ് മണ്ണാര്‍മലയില്‍ റാലി സമാപിച്ചു. തുടര്‍ന്ന് നടന്ന പൊതുയോഗത്തില്‍ എം.എല്‍.എമാരായ അഡ്വ. എന്‍ ഷംസുദ്ദീന്‍, വിന്‍സെന്റ്, ജാഥാ ക്യാപ്റ്റന്‍ നഹാസ് പാറക്കല്‍, അഡ്വ. ബെന്നി തോമസ്, നാലകത്ത് സൂപ്പി, ഉസ്മാന്‍ താമരത്ത്, സി.ടി നൗഷാദ്, സൈനുദ്ദീന്‍ താമരത്ത്, നജീബ്, എന്‍ ഹബീബ്, വി സക്കീര്‍ സംസാരിച്ചു. എല്‍.ഡി.എഫ് വെട്ടത്തൂര്‍ പഞ്ചായത്ത്തല പദയാത്ര ഇന്നു നടക്കും.