ആഗ്ര: റോഡുപണിക്കിടെ വഴിയരികില്‍ ഒരു നായ കിടക്കുന്നത് പോലും തൊഴിലാളികളുടെ കണ്ണില്‍ പെട്ടില്ല!. ചൂടുള്ള ടാര്‍ അതിന്റെ അര ഭാഗം വരെ ചേര്‍ത്ത് അവര്‍ റോഡ് നിരപ്പാക്കി.

ചൊവ്വാഴ്ച രാത്രി ആഗ്രയിലെ ഫത്തേഹബാദിലാണ് സംഭവം. ദേഹത്ത് വീഴുമ്പോള്‍ വേദനകൊണ്ട് പുളയുകയായിരുന്നു നായ. പക്ഷെ നിര്‍മ്മാണ തൊഴിലാളികള്‍ അത് വെക്കാതെ ടാറിടുന്നത് തുടര്‍ന്നു. ഒടുവില്‍ വേദന സഹിക്കവയ്യാതെ ആ മിണ്ടാപ്രാണി ചാവുകയും ചെയ്തു. നാട്ടുകാര്‍ പറയുന്നു. പിന്നീട് ആക്ടിവിസ്റ്റായ ഗോവിന്ദ പരഷറുടെ നേതൃത്തില്‍ നാട്ടുകാര്‍ റോഡു പൊളിച്ച് നായയെ സംസ്‌ക്കരിക്കുകയായിരുന്നു.

എന്നാല്‍ രാത്രി ചെയ്ത ജോലിയായതിനാല്‍ നായ കിടക്കുന്നത് കണ്ടില്ലെന്നാണ് കോണ്‍ട്രാക്ടറുടെയും തൊഴിലാളികളുടെയും വിശദീകരണം. നിര്‍മ്മാണ കമ്പനിക്കെതിരെ പരാതി നല്‍കിയതായി പരഷര്‍ പറഞ്ഞു.