ന്യൂഡല്‍ഹി: അഹമ്മദാബാദ് എയര്‍ ഇന്ത്യ വിമാനാപാകടത്തിന്റെ പ്രാഥമിക റിപ്പോര്‍ട്ട് പുറത്ത്. വിമാനം പറന്നുയര്‍ന്ന് നിമിഷങ്ങള്‍ക്കകം വിാമനത്തിന്റെ രണ്ട് എന്‍ജിനുകളുടെയപം പ്രവര്‍ത്തനം നിലച്ചതാണെന്നാണ് കണ്ടെത്തല്‍. വിമാനാപകടത്തെ സംബന്ധിച്ച് എയര്‍ ക്രാഫ്റ്റ് ആക്‌സിഡന്റ് ഇന്‍വെസ്റ്റിഗേഷന്‍ ബ്യൂറോയാണ് പ്രാഥമിക റിപ്പോര്‍ട്ട് പുറത്തുവിട്ടത്. എന്‍ജിനിലേക്ക് ഇന്ധനം എത്തിക്കുന്ന സംവിധാനത്തിന്റെ പ്രവര്‍ത്തനം നിലച്ചതാണ് എന്‍ജിനുകളുടെ പ്രവര്‍ത്തനം നിലക്കാനുള്ള കാരണമെന്നാണ് അനുമാനിക്കുന്നത്. കഴിഞ്ഞ മാസം 12നുണ്ടായ അപകടത്തില്‍ 260 പേരാണ് മരിച്ചത്.

ALSO READ: തെരുവുനായകള്‍ക്ക് ചിക്കനും ചോറും നല്‍കാന്‍ ബംഗളൂരു കോര്‍പറേഷന്‍; പ്രശംസിച്ചും വിമര്‍ശിച്ചും സോഷ്യൽ മീഡിയ

റിപ്പോര്‍ട്ട് പ്രകാരം, വിമാനത്തിന്റെ എന്‍ജിനിലെ ഇന്ധന നിയന്ത്രണ സ്വിച്ച് ഓഫ് ആയിരുന്നു, ഇതുമൂലം വിമാനത്തിന് പറന്നുയരാനാവശ്യമായ ശക്തി ലഭിച്ചില്ല. കോക്പിറ്റിലെ പൈലറ്റുമാരുടെ സംഭാഷണവും പുറത്തുവന്നിട്ടുണ്ട്. ഒരു പൈലറ്റ് സഹപൈലറ്റിനോട് ഇന്ധന സ്വിച്ച് എന്തിന് ഓഫ് ചെയ്തുവെന്ന് ചോദിക്കുന്നുണ്ട്, അതിന് സഹപൈലറ്റ് താന്‍ അത് ഓഫ് ചെയ്തിട്ടില്ലെന്നാണ് മറുപടി നല്‍കിയിട്ടുള്ളത്. എന്നാല്‍, ഈ മറുപടി ആരാണ് പറഞ്ഞതെന്ന് വ്യക്തമല്ല. ടേക്ക് ഓഫ് സമയത്ത് വിമാനം നിയന്ത്രിച്ചിരുന്നത് സഹപൈലറ്റായിരുന്നു, പ്രധാന പൈലറ്റ് ഇത് നിരീക്ഷിക്കുകയായിരുന്നു. രണ്ട് എന്‍ജിനുകളിലേക്കുമുള്ള സ്വിച്ചുകള്‍ ഒരു സെക്കന്‍ഡിന്റെ വ്യത്യാസത്തില്‍ ഓഫ് പൊസിഷനിലേക്ക് മാറി, ഇതോടെ വിമാനത്തിന് പറന്നുയരാനുള്ള ശക്തി നഷ്ടപ്പെട്ടു.

സ്വിച്ചുകള്‍ ഉടന്‍ തിരികെ ഓണ്‍ പൊസിഷനിലേക്ക് മാറ്റി. ഒരു എന്‍ജിന്‍ വീണ്ടും പ്രവര്‍ത്തനം ആരംഭിച്ചു, എന്നാല്‍ നാല് സെക്കന്‍ഡിന് ശേഷം രണ്ടാമത്തെ സ്വിച്ച് ഓണ്‍ ആയെങ്കിലും ആ എന്‍ജിന് പറന്നുയരാനുള്ള ശക്തി ലഭിച്ചില്ല. വിമാനത്തില്‍ പക്ഷി ഇടിച്ചിട്ടില്ല, മറ്റ് സാങ്കേതിക തകരാറുകളും റിപ്പോര്‍ട്ട് ചെയ്തിട്ടില്ല. കാലാവസ്ഥ അനുകൂലമായിരുന്നുവെന്നും റിപ്പോര്‍ട്ടില്‍ പറയുന്നു.

വിമാനത്തിന്റെ ചിറകുകളിലെ ഫ്‌ലാപ്പുകള്‍ സാധാരണ നിലയില്‍ ക്രമീകരിച്ചിരുന്നു. വിമാനം 32 സെക്കന്‍ഡ് മാത്രമാണ് പറന്നത്. വിമാനത്താവളത്തിന് സമീപമുള്ള ബി.ജെ. മെഡിക്കല്‍ കോളജ് ഹോസ്റ്റലില്‍ തകര്‍ന്നുവീഴുന്നതിന് മുമ്പ് വിമാനം 0.9 നോട്ടിക്കല്‍ മൈല്‍ ദൂരം മാത്രമാണ് സഞ്ചരിച്ചത്. അപകടം നടന്നത് ഉച്ചയ്ക്ക് 1:39നാണ്.

ALSO READ: ബംഗാളി സംസാരിക്കുന്ന ഇന്ത്യക്കാരെ ബംഗ്ലാദേശി എന്നാരോപിച്ച് നാടുകടത്തലും കുടിയൊഴിപ്പിക്കലും തകൃതി; ഇടപെട്ട് കല്‍ക്കട്ട ഹൈക്കോടതി

വിമാനത്തെ മുന്നോട്ട് നയിക്കാന്‍ സഹായിക്കുന്ന ത്രസ്റ്റ് ലിവറുകള്‍ സാധാരണ നിലയിലായിരുന്നു. ബ്ലാക്ക് ബോക്‌സിലെ വിവരങ്ങള്‍ പ്രകാരം, അപകടം നടക്കുന്നതുവരെ ത്രസ്റ്റ് ലിവറുകള്‍ ഫോര്‍വേഡ് പൊസിഷനില്‍ തന്നെയായിരുന്നു. രണ്ട് ഫ്യൂവല്‍ കണ്‍ട്രോള്‍ സ്വിച്ചുകളും 'റണ്‍' പൊസിഷനിലായിരുന്നു. അട്ടിമറിയുടെ യാതൊരു തെളിവുകളും റിപ്പോര്‍ട്ടില്‍ കണ്ടെത്തിയിട്ടില്ല.

The initial investigation report into the Ahmedabad plane crash reveals that the fuel control switches were turned off, leading to engine failure. Authorities are conducting further inquiry into possible human error or technical faults.