ബന്ദിപൊര: കശ്മീര്‍ ബന്ദിപൊര ജില്ലയിലെ വനമേഖലയില്‍ നടക്കുന്ന ഏറ്റുമുട്ടലില്‍ ഒരു സൈനികന് വീരമൃത്യു. രണ്ടു തീവ്രവാദികളെ സൈന്യം വധിക്കുകയും ചെയ്തു.

ബള്ളറ്റ് കൊണ്ടാണ് സൈനികന്‍ മരിച്ചത്. ഗുരുതര നിലയില്‍ സൈനിക ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

കഴിഞ്ഞയാഴ്ചയാണ് ഈ മേഖലയില്‍ സൈനിക ഓപ്പറേഷന്‍ തുടങ്ങിയത്. പനാര്‍ മേഖലയിലെ റയ്‌നാര്‍ വനത്തില്‍ ചെറിയ വെടിവയ്പ്പുകളോടെയായിരുന്നു തുടക്കം. പിന്നീട് കൂടുതല്‍ സൈനിക സന്നാഹത്തോടെ നടത്തുന്ന ഏറ്റുമുട്ടല്‍ തുടര്‍ച്ചയായ ആറാം ദിവസവും തുടരുകയാണ്.