ബാര്‍കോഴ: മാണിക്ക് അനുകൂല നിയമോപദേശം നല്‍കിയ അഭിഭാഷകനെ നീക്കി

backup

July 06, 2016 | 3:39 AM

%e0%b4%ac%e0%b4%be%e0%b4%b0%e0%b5%8d%e2%80%8d%e0%b4%95%e0%b5%8b%e0%b4%b4-%e0%b4%ae%e0%b4%be%e0%b4%a3%e0%b4%bf%e0%b4%95%e0%b5%8d%e0%b4%95%e0%b5%8d-%e0%b4%85%e0%b4%a8%e0%b5%81%e0%b4%95%e0%b5%82

തിരുവനന്തപുരം: ബാര്‍കോഴക്കേസില്‍ വിജിലന്‍സിനുവേണ്ടി ഹാജരായ പ്രോസിക്യൂഷന്‍ ഡെപ്യൂട്ടി ഡയറക്ടര്‍ വക്കം ജി.ശശീന്ദ്രനെ ഒഴിവാക്കാന്‍ തീരുമാനം. പകരം വിജിലന്‍സ് ലീഗല്‍ അഡ്വസൈര്‍ സി.സി അഗസ്റ്റിനായിരിക്കും കോടതിയില്‍ ഹാജരാകുക. കേസിന്റെ തുടര്‍വാദം ഈമാസം 12ന് നടക്കാനിരിക്കെയാണ് ശശീന്ദ്രനെ ഒഴിവാക്കാന്‍ വിജിലന്‍സ് തീരുമാനിച്ചത്. ബാര്‍കോഴ ആരോപണം ഉയര്‍ന്ന നാളുകളില്‍ കെ.എം മാണിക്കെതിരേ കേസെടുക്കാന്‍ സാധിക്കില്ലെന്നുകാട്ടി ശശീന്ദ്രന്‍ നിയമോപദേശം നല്‍കിയത് വന്‍വിവാദം ഉയര്‍ത്തിയിരുന്നു. എന്നാല്‍ മാണിക്കെതിരേ പ്രഥമദൃഷ്ട്യാ കേസെടുക്കാമെന്ന അഭിപ്രായമായിരുന്നു സി.സി അഗസ്റ്റിന്‍ നല്‍കിയത്.
കഴിഞ്ഞതവണ നടന്ന വിചാരണയ്ക്കിടെ ബാര്‍കോഴക്കേസ് അവസാനിപ്പിക്കണമെന്ന് വിജിലന്‍സ് കോടതിയില്‍ ആവശ്യപ്പെട്ടിരുന്നു. ഇതിനെതിരേ അന്നത്ത പ്രതിപക്ഷനേതാവ് വി.എസ് അച്യുതാനന്ദന്‍, വി.എസ് സുനില്‍കുമാര്‍ എം.എല്‍.എ, ഇടതുമുന്നണി കണ്‍വീനര്‍ വൈക്കം വിശ്വന്‍ തുടങ്ങിയവര്‍ ഹരജി സമര്‍പ്പിച്ചിരുന്നു. ബാര്‍കോഴകേസില്‍ വിജിലന്‍സ് ഡയറക്ടര്‍ ജേക്കബ് തോമസിന്റെ നിലപാടുകള്‍ തള്ളിയാണ് അന്നത്തെ ഡയറക്ടര്‍ വിന്‍സന്‍ എം.പോള്‍ കേസ് അവസാനിപ്പിക്കാന്‍ തീരുമാനിച്ചത്.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."