വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമിയുടെ കീഴില്‍ സുല്‍ത്താന്‍ ബത്തേരി മൈതാനിക്കുന്നില്‍ പുതുതായി ആരംഭിക്കുന്ന വനിതാ ഇസ്‌ലാമിക് ആന്‍ഡ് ആര്‍ട്‌സ് കോളജിന്റെ ഉദ്ഘാടനം ജൂലൈ ഒന്നിന് വൈകിട്ട് നാലിന് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വഹിക്കും.
എസ്.എസ്.എല്‍.സി പാസായ പെണ്‍കുട്ടികള്‍ക്ക് മത വിഷയങ്ങളോടൊപ്പം ഭൗതിക രംഗത്ത് ഡിഗ്രി വരെ നേടാവുന്ന സിലബസാണ് സ്ഥാപനം നടപ്പിലാക്കുന്നത്. ഉദ്ഘാടനം വിജപ്പിക്കാന്‍ ചെയര്‍മാന്‍ ഹംസ ഹാജിയുടെ അധ്യക്ഷതയില്‍ ചേര്‍ന്ന സ്വാഗതസംഘം യോഗം തീരുമാനിച്ചു. യോഗം അബ്ദുല്ല മാടക്കര ഉദ്ഘാടനം ചെയ്തു.
ഇബ്‌റാഹീം ഫൈസി പേരാല്‍ പദ്ധതി വിശദീകരിച്ചു. ഇ.പി മുഹമ്മദലി ഹാജി, കക്കോടന്‍ മുസ്തഫ ഹാജി, ഉമര്‍ ഹാജി ചുള്ളിയോട്, കെ.സി.കെ തങ്ങള്‍, മുസ്തഫ ദാരിമി, പി.ടി ഫാറൂഖ്, നൗഫല്‍ മാസ്റ്റര്‍, സി.എം യൂസുഫ്, വി.കെ നാസര്‍ ഹാജി, ഹരിസ് ബനാന, മുനീര്‍ പ്രിന്‍സ്, കെ. ഉണ്ണീന്‍, ഇബ്‌റാഹീം മൈതാനികുന്ന്, സി. ഉസ്മാന്‍, എം. ഇബ്‌റാഹീം സംസാരിച്ചു. കെ. നാസര്‍ മൗലവി സ്വാഗതവും സകരിയ്യ വാഫി നന്ദിയും പറഞ്ഞു.