കൊല്‍ക്കത്ത: ഇന്നലെ നടന്ന മത്സരത്തില്‍ ഈസ്റ്റ് ബംഗാളിന് സമനില. ഐസ്വാള്‍ എഫ്.സിയാണ് ഈസ്റ്റ് ബംഗാളിനെ സമനിയില്‍ തളച്ചത്. ഈസ്റ്റ് ബംഗാളിന്റെ സമനില കാരണം ചെന്നൈ കിരീടത്തിലേക്ക് ഒരുപടി കൂടി അടുത്തു. ഇന്നലത്തെ മത്സരം ജയിക്കുകയാണെങ്കില്‍ ഈസ്റ്റ് ബംഗാളിന് 35 പോയിന്റാകുമായിരുന്നു. നിലവില്‍ ഈസ്റ്റ് ബംഗാളിനും റിയല്‍ കശ്മിരിനും 33 പോയിന്റാണുള്ളത്. ഒന്നാം സ്ഥാനത്തുള്ള ചെന്നൈക്ക് 40 പോയിന്റുണ്ട്. രണ്ട് മത്സരങ്ങള്‍ കളിക്കാനുമുണ്ട്. ഇതില്‍ ഏതെങ്കിലുമൊന്നില്‍ ജയിച്ചാല്‍ ചെന്നൈയിക്ക് കിരീടം ഉയര്‍ത്താനാകും.