പുല്‍പ്പള്ളി: ജില്ലയില്‍ കര്‍ഷകര്‍ ഉല്‍പാദിപ്പിക്കുന്ന ജൈവവളങ്ങള്‍ കൃഷി ഭവനിലൂടെ വിതരണം ചെയ്യാന്‍ നടപടി സ്വീകരിക്കണമെന്ന് ഓര്‍ഗാനിക് മാന്വര്‍ പ്രൊഡ്യൂസേഴ്‌സ് അസോസിയേഷന്‍ ജില്ലാ കമ്മിറ്റി ആവശ്യപ്പെട്ടു.
ജില്ലയിലെ ചെറുകിട കര്‍ഷകര്‍ ഉല്‍പാദിപ്പിക്കുന്ന വളങ്ങള്‍ കര്‍ഷകര്‍ക്ക് വിതരണം ചെയ്യാനുള്ള നടപടികള്‍ സ്വീകരിക്കാതെ അന്യജില്ലകളില്‍ നിന്നുള്ള വന്‍കിട കമ്പനികളുടെ വളങ്ങളാണ് വിതരണം ചെയ്യുന്നതെന്ന് യോഗം കുറ്റപ്പെടുത്തി. കുരുമുളക് സമിതി മുഖേന വിതരണം ചെയ്യുന്ന ജൈവ വളങ്ങള്‍ ഗുണനിലവാരം ഉറപ്പുവരുത്തി ജില്ലയില്‍ കര്‍ഷകര്‍ ഉത്പാദിപ്പിക്കുന്ന വളങ്ങള്‍ വിതരണം ചെയ്യാന്‍ നടപടി സ്വീകരിക്കണമെന്ന് ആവശ്യപ്പെട്ട് പ്രക്ഷോഭ പരിപാടികള്‍ ആരംഭിക്കാന്‍ യോഗം തീരുമാനിച്ചു.
ജില്ലാ പ്രസിഡന്റ് പി.ജെ മൈക്കിള്‍ അധ്യക്ഷനായി. ബെനഡിക്ട് തോമസ്, കുര്യാക്കോസ്, പി.വി ജോസഫ്, സാബു സെബാസ്റ്റ്യന്‍, ജോബി ക്ലമന്റ്, ഷാജി ജോസഫ്, ജോണ്‍സണ്‍ പാപ്പുറത്ത് സംസാരിച്ചു.