ആര്യനാട്: പുതുക്കുളങ്ങര, ചക്രപാണിപുരം, പനയ്‌ക്കോട്, കുളപ്പട പ്രദേശങ്ങളില്‍ ചീറിപ്പാഞ്ഞു സ്ഥിരമായി ഭീകരാന്തരീക്ഷം സൃഷ്ടിക്കുന്നവരെ നാട്ടുകാര്‍ പിടികൂടി. സൂപ്പര്‍ സ്‌പോര്‍ട്‌സ് ബൈക്കുകള്‍ വാടകയ്‌ക്കെടുത്തു പ്രദേശത്തു റൈസിംഗ് നടത്തുന്നത് പതിവ് കാഴ്ച്ച.
ചക്രപാണിപുരം സ്‌ക്കൂള്‍ വിടുന്നസമയങ്ങളിലാണ് ഇവര്‍ ബൈക്കുകളുടെ നിരത്തിലിറങ്ങുന്ന. കുളപ്പട ആശുപത്രിക്കു മുന്നില്‍ പെട്രോള്‍ തീര്‍ന്നു വണ്ടി നിന്നപ്പോള്‍ മാത്രമാണ് നാട്ടുകാര്‍ക്ക് ഇവരെ പിടികൂടാന്‍ കഴിഞ്ഞത്. നാട്ടുകാരുടെ ചോദ്യം ചെയ്യലില്‍ നിന്നും വിവിധ പ്രദേശങ്ങളിലെ സ്‌കൂളുകളില്‍ പഠിക്കുന്ന കുട്ടികളാണെന്നറിഞ്ഞു. നാട്ടുകാര്‍ വിരുതന്മാരുടെ ബൈക്കുകളും പിടിച്ചു വാങ്ങി സ്‌കൂളിലെ അധ്യാപകരെയും പൊലിസിനെയും രക്ഷകര്‍ത്താക്കളെയും വിളിച്ചുവരുത്തിഏല്‍പിച്ചു വിടുകയായിരുന്നു. ഇവരില്‍ ഭൂരിഭാഗവും സ്‌കൂള്‍ വിദ്യര്‍ത്ഥികളാണ്. ഇതിനെ തടയിടാന്‍ നാട്ടുകാര്‍ നിരവധി തവണ നിയമ പാലകരെ അറിയിച്ചെങ്കിലുംനടപടിയില്ലാത്തതിനെ തുടര്‍ന്നാണ് നാട്ടുകാര്‍ രംഗത്ത് ഇറങ്ങിയത്.