കുന്നംകുളം: ഹര്‍ത്താലിനിടെ ബി.ജെ.പി പ്രവര്‍ത്തകര്‍ കുന്നംകുളത്ത് ഓട്ടോറിക്ഷ തകര്‍ത്തു.
ഇന്ന് രാവിലെ ഒന്‍പതു മണിയോടെ കുന്നംകുളം ഒനീറോ ജങ്ഷനിലായിരുന്നു സംഭവം. കുന്നംകുളത്ത് നിന്ന് തൃശൂരിലേക്ക് പോവുകയായിരുന്ന ഓട്ടോറിക്ഷയാണ് തകര്‍ത്തത്.
തുടര്‍ന്ന് സ്ഥലത്തെത്തിയ കുന്നംകുളം പോലീസ് കുന്നംകുളത്തെ ഓട്ടോ തൊഴിലാളി യൂണിയന്‍ അംഗവും ബി ജെ പി പ്രവര്‍ത്തകനുമായ ബിജുവിനെ കസ്റ്റഡിയിലെടുത്തു. ഓട്ടോറിക്ഷയുടെ മുന്‍വശത്തെ ചില്ലുകള്‍ തകര്‍ന്നു. മറ്റു അനിഷ്ട്‌സംഭവങ്ങള്‍ ഒന്നും ഉണ്ടായിട്ടില്ല.