കടുത്തുരുത്തി: കുറവിലങ്ങാട് വിദ്യാഭ്യാസ ഉപജില്ലയിലെ മികച്ച എയ്ഡഡ് പ്രൈമറി സ്‌കൂളിനുള്ള അവാര്‍ഡ് തുരുത്തിപ്പള്ളി സെന്റ് ജോര്‍ജ്ജ് എല്‍.പി. സ്‌കൂളിന്.
ഉപജില്ലാതല പ്രധാന അധ്യാപകരുടെ യോഗത്തില്‍ അസിസ്റ്റന്റ് വിദ്യാഭ്യാസ ഓഫിസര്‍ ആര്‍.അശോകന്‍ ട്രോഫി സമ്മാനിച്ചു. തുടര്‍ന്ന് സ്‌കൂള്‍ ഹാളില്‍ നടന്ന അനുമോദന സമ്മേളനത്തില്‍ സ്‌കൂള്‍ മാനേജര്‍ ഫാ. ഫിലിപ്പ് കുളങ്ങര അധ്യക്ഷനായി.ഞീഴൂര്‍ പഞ്ചായത്ത് പ്രസിഡന്റ് എന്‍.മണിലാല്‍ ഉദ്ഘാടനം ചെയ്ത സമ്മേളനത്തില്‍ പഞ്ചായത്ത് മെമ്പര്‍ സജി ജോസഫ്, പി.റ്റി.എ പ്രസിഡന്റ് ബിജു കെ.എം., സിസ്റ്റര്‍ മേഴ്‌സി സെബാസ്റ്റ്യന്‍, ജോബിന്‍സ് ജോണ്‍, പോള്‍ തുരുത്തിപ്പളളി, ജോസ് രാഗാദ്രി സംസാരിച്ചു. തുടര്‍ന്ന് കുട്ടികളുടെ വിവിധ കലാപരിപാടികളും മാതൃസംഗമം പ്രവര്‍ത്തകരുടെ പായസവിതരണവും നടത്തി.