തിരുവനന്തപുരം: കാറിന് വശം നല്‍കിയില്ലെന്ന് പറഞ്ഞ് യുവാവിനെയും മാതാവിനെയും മര്‍ദിച്ച സംഭവത്തില്‍ ഗണേഷ് കുമാര്‍ എം.എല്‍.എയ്ക്കും ഡ്രൈവര്‍ക്കുമെതിരേ വനിതാ കമ്മിഷനില്‍ പരാതി. യുവാവിന്റെ മാതാവ് അഞ്ചല്‍ അഗസ്ത്യകോട് പുലിയത്ത് വീട്ടില്‍ ഷീന ആര്‍ നാഥാണ് കമ്മിഷനില്‍ പരാതി നല്‍കിയത്. എം.എല്‍.എയും ഡ്രൈവറും സ്ത്രീയെന്ന പരിഗണനപോലും നല്‍കാതെ ഷീനയെ കൈയേറ്റം ചെയ്തതായി ഇവര്‍ നല്‍കിയ പരാതിയില്‍ പറയുന്നു.
പരാതി രജിസ്റ്റര്‍ ചെയ്തതായി ചെയര്‍പേഴ്‌സന്‍ എം.സി ജോസഫെയ്ന്‍ അറിയിച്ചു. പരാതി സംബന്ധിച്ച് പൊലിസ് റിപ്പോര്‍ട്ട് ആവശ്യപ്പെടുന്നതുള്‍പ്പെടെയുളള തുടര്‍നടപടികള്‍ സ്വീകരിക്കുമെന്ന് ജില്ലയുടെ ചുമതലയുള്ള വനിതാ കമ്മീഷന്‍ അംഗം ഷാഹിദാ കമാല്‍ പറഞ്ഞു.