കായംകുളം: കൊറ്റുകുളങ്ങര വാട്ടര്‍ ടാങ്കിന് തെക്കുവശം പടിഞ്ഞാറോട്ട് പോകുന്ന  പാഞ്ചോരി റോഡിലും ഓടയിലും രാത്രി കാലങ്ങളില്‍ ഹോട്ടല്‍ മാലിന്യം തള്ളുന്നു.
അസഹനീയമായ മണവും കൊതുകുകളുടെ ശല്ല്യവും രൂക്ഷമായിരിക്കുകയാണ്. ഇതു കാരണം പരിസരവാസികള്‍ ചര്‍ദ്ദിയും വയറിളക്കവും മായ രോഗ ഭീഷണിയിലാണ്. നിരവധി തവണ അധികാരികള്‍ക്ക് പരാതി നല്‍കിയിട്ടും യാതൊരു നടപടിയും ഇതുവരെ സ്വീകരിച്ചട്ടില്ല. ജനങ്ങള്‍ ഒറ്റക്കെട്ടായി നിന്നു  മാലിന്യം തള്ളുന്ന വരെ പിടികൂടി പൊലിസില്‍ ഏല്‍പ്പിക്കാന്‍ തീരുമാനിച്ചു. മൂന്ന് സംഘങ്ങളായി തിരിഞ്ഞ് മാലിന്യം തള്ളുന്ന വരെ പിടികൂടാനാണ് നാട്ടുകാരുടെ തീരുമാനം.