കൊച്ചി: മരട് സ്‌കൂള്‍വാഹനാപകടത്തില്‍ പരുക്കേറ്റ് ചികിത്സയിലായിരുന്ന ഒരു കുട്ടി കൂടി മരിച്ചു. നാലു വയസ്സുകാരി കരോളിന്‍ ആണ് മരിച്ചത്. ഇതോടെ അപകടത്തില്‍ മരിച്ചവരുടെ എണ്ണം നാലായി.

അപകടത്തെത്തുടര്‍ന്ന് തീവ്രപരിചരണ വിഭാഗത്തില്‍ ചികിത്സയിലായിരുന്നു കരോളിന്‍. രണ്ട് കുട്ടികളും ഒപ്പമുണ്ടായിരുന്ന ആയയും നേരത്തെ മരിച്ചിരുന്നു.

മരട് കാട്ടിത്തറ റോഡിലെ ഇല്ലത്തുപറമ്പില്‍ കുളത്തിലേക്കാണ് വാന്‍ മറിഞ്ഞത്. കിഡ്‌സ് വേള്‍ഡ് എന്ന ഡേ കെയര്‍ സ്ഥാപനത്തിന്റെ വാനാണ് അപകടത്തില്‍പ്പെട്ടത്. എതിരേവന്ന സൈക്കിളിന് സൈഡ് കൊടുക്കാന്‍ ശ്രമിക്കുന്നതിനിടെ കുളത്തിലേക്ക് വാഹനം മറിയുകയായിരുന്നു.