പട്ടാമ്പി: മാട്ടായ കേന്ദ്രമായി പ്രവര്‍ത്തിക്കുന്ന ശെയ്ഖ് ജീലാനി ഫൗണ്ടേഷന്റെ ജീവകാരുണ്യ സേവന പ്രവര്‍ത്തനങ്ങളുടെ ഉദ്ഘാടനം നാളെ 4.30ന് നടക്കും. നിര്‍ധന കുടുംബത്തിനുള്ള ഭവന പദ്ധതിയുടെ ഉദ്ഘാടനം അഡ്വ. വി.ടി. ബല്‍റാം എം.എല്‍.എയും, ഭക്ഷ്യ വിതരണോദ്ഘാടനം ഗ്രാമ പഞ്ചായത്ത് പ്രസിഡന്റ് എ. കൃഷ്ണ കുമാറും, കുടിവെള്ള പദ്ധതി ഉദ്ഘാടനം തൃത്താല ബ്ലോക്ക് പഞ്ചായത്ത് വൈസ് പ്രസിഡന്റ് എം.കെ. പ്രദീപും, വിവാഹ ധനസഹായ വിതരണം കോമത്ത് ബക്കര്‍ ഹാജിയും, മെഡിക്കല്‍ കാര്‍ഡ് സമര്‍പണം ബ്ലോക്ക് അംഗം കെ.വി. ഹിളറും, ഹോം കെയര്‍ വിദ്യാഭ്യാസ പദ്ധതിയുടെ ഉദ്ഘാടനം പഞ്ചായത്തംഗം സലിം മാട്ടായയും നിര്‍വഹിക്കും.