വാണിമേല്‍: കഴിഞ്ഞ ദിവസങ്ങളില്‍ പെയ്ത കനത്ത മഴയില്‍ വാണിമേല്‍ ഗ്രാമപഞ്ചായത്തിലെ ആറ് വീടുകള്‍ക്കും മുപ്പതോളം റോഡുകള്‍ക്കും നാശം സംഭവിച്ചു. വീടുകള്‍ക്ക് ഏകദേശം പത്തുലക്ഷം രൂപയുടടേയും റോഡുകള്‍ക്ക് 50 ലക്ഷം രൂപയുടേയും നഷ്ടം കണക്കാകുന്നു.
കോഴിക്കോട് ജില്ലയിലെ മഴക്കാല ദുരന്ത സ്ഥിതിഗതികള്‍ വിലയിരുത്തുന്നതിന് കലക്ടര്‍ വിളിച്ചു ചേര്‍ത്ത യോഗത്തില്‍ വിശദമായ റിപ്പോര്‍ട്ട് പഞ്ചായത്ത് സ്ഥിരം സമിതി ചെയര്‍മാന്‍ എം.കെ മജീദ്, സെക്രട്ടറി വിനോദ് കൃഷ്ണന്‍, അസി. എന്‍ജിനിയര്‍ പ്രസന്ന കുമാര്‍ എന്നിവര്‍ സമര്‍പ്പിച്ചു.