ലിയോണ്‍: സെമി ഫൈനലില്‍ വെയില്‍സിനെ തകര്‍ത്ത് ക്രിസ്റ്റിയാനോ റൊണാള്‍ഡോയും സംഘവും യൂറോ കപ്പ് ഫൈനലില്‍ പ്രവേശിച്ചു. മൂന്നു മിനിറ്റിനുള്ളില്‍ മടക്കമില്ലാത്ത രണ്ട് ഗോളുകള്‍ നേടിയാണ് പോര്‍ച്ചുഗല്‍ ഫൈനലില്‍ കടന്നത്.

ഗോള്‍ രഹിതമായമായിരുന്നു ആദ്യ പകുതി. രണ്ടാം പകുതിയില്‍ റൊണാള്‍ഡോയും നാനിയുമാണ് പോര്‍ച്ചുഗലിനു വേണ്ടി ഗോള്‍ നേടിയത്.

2004 ല്‍ ഗ്രീസിനോട് പരാജയപ്പെട്ട ശേഷം ആദ്യമായാണ് പോര്‍ച്ചുഗല്‍ ഫൈനലില്‍ കടക്കുന്നത്. ജര്‍മനി- ഫ്രാന്‍സ് മത്സരത്തിലെ വിജയികളെയാണ് പോര്‍ച്ചുഗല്‍ ഫൈനലില്‍ നേരിടുക.