കോതമംഗലം:പൊലിസ് സംഘത്തെ കൈയേറ്റം ചെയ്ത ശേഷം രക്ഷപ്പെട്ട രണ്ടു പേരെ  കുട്ടംമ്പുഴ പൊലിസ് അറസ്റ്റ് ചെയ്തു.കഴിഞ്ഞ മാസം 26 ന് രാത്രി പെട്രോളിഗിലായിരുന്ന കുട്ടംമ്പുഴ പൊലിസിനെ കൂവപ്പാറ ഭാഗത്തു വച്ച് കൈയേറ്റം ചെയ്ത ആറംഗ സംഘത്തിലെരണ്ട് പേരാണ് ഇപ്പോള്‍ പിടിയിലായിരിക്കുന്നത്.
കൂവപ്പാറ സ്വദേശികളായ വലിയകരോട്ട് അജിന്‍സ്(23), തുടക്കര ബേസില്‍ (20) എന്നിരെയാണ് കുട്ടമ്പുഴ പൊലിസ് അറസ്റ്റ് ചെയ്തത്.രാത്രി പട്രോള്‍ നടത്തുന്നതിനിടയില്‍ കൂവപ്പാറ ഭാഗത്ത് കൂട്ടം കൂടി നിന്നിരുന്ന ആറംഗ സംഘത്തിനോട് ഇവിടെ നല്‍ക്കുന്നത് എന്തിനാണന്നു ചോദിച്ചപ്പോള്‍ പൊലിസ് സംഘത്തെ കൈയേറ്റം ചെയ്ത ശേഷം ഇവര്‍ ഓടി രക്ഷപ്പെടുകയായിരുന്നു.പട്രോള്‍ സംഘത്തില്‍ ആവശ്യമായ പൊലിസുകാരില്ലാത്തതിനാല്‍ സ്റ്റേഷനില്‍ നിന്നും കൂടുതല്‍ പൊലിസുകാരെത്തി പരിശോധന നടത്തിയെങ്കിലും അക്രമിസംഘത്തെ കണ്ടെത്താനായില്ല. അടുത്ത ദിവസങ്ങളിലും പൊലിസ് ഇവര്‍ക്കായി അന്വേഷണം ഊര്‍ജ്ജിതമാക്കിയപ്പോള്‍ ബാംഗ്ലൂര്‍ക്ക് കടന്നു കളഞ്ഞ സംഘത്തിലെ ഈ രണ്ടു പേരെ നാടകീയമായാണ് കുട്ടംമ്പുഴ പൊലിസ് പിടികൂടിയത്.
അജിന്‍സ് ബാഗ്ലൂര്‍ നിന്നും കൂവപ്പാറയില്‍ എത്തിയതറിഞ്ഞ് അറസ്റ്റ് ചെയ്യാനെത്തിയ പൊലിസ് സംഘത്തിനു നേരെ കത്തി വീശി എതിര്‍ക്കാന്‍ ശ്രമിക്കുകയും ചെയ്തുവെന്നും മല്‍പിടിത്തത്തിലൂടെയാണ് ഇയ്യാളെ കീഴ്‌പ്പെടുത്തിയതെന്നും പൊലിസ് പറഞ്ഞു.പിടിയിലായ  അജിന്‍സ് കുഴല്‍പണം ഉള്‍പ്പെടെ നിരവധി ക്രിമിനല്‍ കേസുകളില്‍ പ്രതിയാണന്നും പൊലിസ് അറിയിച്ചു.
എസ്.ഐ.പി.എം.ജോയി, പൊലിസുകാരായ എല്‍ദോസ്, ഷിഹാബ്, അഭിലാഷ് എന്നിവര്‍ ചേര്‍ന്നാണ് രണ്ടു പേരെ പിടികൂടിയത്.മറ്റുള്ള നാല് പേര്‍ക്കായി അന്വോഷണം നടത്തി വരികയാണന്ന് കുട്ടംമ്പുഴ പൊലിസ് പറഞ്ഞു. പിടികൂടിയ രണ്ടു പേരെ കോതമംഗലം കോടതിയില്‍ ഹാജരാക്കി റിമാന്റ് ചെയ്തു.