ഇരിട്ടി: ഉരുള്‍പൊട്ടലില്‍ വീടുകള്‍ നഷ്ടപ്പെട്ടവരെ പുനരധിവസിപ്പിക്കാന്‍ സര്‍ക്കാര്‍ മുന്‍കൈ എടുക്കണമെന്ന് ബി.ജെ.പി ദേശീയ നിര്‍വാഹക സമിതി അംഗം പി.കെ കൃഷ്ണദാസ് ആവശ്യപ്പെട്ടു. കിളിയന്തറ സ്‌കൂളിലെ ദുരിതാശ്വാസ ക്യാംപ് സന്ദര്‍ശിച്ചശേഷം സംസാരിക്കുകയായിരുന്നു കൃഷ്ണദാസ്. മാക്കൂട്ടം ഉരുള്‍പൊട്ടലില്‍ മരണമടഞ്ഞ വാഴക്കാലില്‍ ശരത്തിന്റെ വീടും വെള്ളപ്പൊക്കത്തില്‍ തകര്‍ന്ന കൂട്ടുപുഴ മേഖലയിലെ വീടുകളും കൃഷ്ണദാസ് സന്ദര്‍ശിച്ചു.