തിരൂരങ്ങാടി: വെന്നിയൂര്‍ ചുള്ളിപ്പാറയില്‍ അജ്ഞാത ജീവിയുടെതെന്നു കരുതുന്ന കാല്‍പാടുകള്‍ ഭീതി പരത്തി. ചുള്ളിപ്പാറ തെക്കുഭാഗം ചേര്‍ക്കാട് മസ്ജിദ് പരിസരത്താണ് ഇന്നലെ വന്യജീവിയുടേതെന്നു തോന്നിക്കുന്ന കാല്‍പാടുകള്‍ കാണപ്പെട്ടത്. മഴപെയ്തതിനാല്‍ ചെളിയില്‍ പുതഞ്ഞ നിലയിലാണിവ. നായയുടെ കാല്‍പാദത്തിനു സമാനമാണെങ്കിലും അതിനേക്കാള്‍ വലുപ്പമുണ്ട്. പ്രദേശത്ത്  ഏതാനും പൂച്ചകള്‍ കൊല്ലപ്പെട്ടതായി നാട്ടുകാര്‍ പറഞ്ഞു. ജീവിയെ കണ്ടെത്താനുള്ള ശ്രമത്തിലാണ് നാട്ടുകാര്‍.