പരപ്പനങ്ങാടി: ഉപതെരഞ്ഞെടുപ്പ് നടക്കുന്ന മലപ്പുറം ലോകസഭാ മണ്ഡലത്തിലെ സ്ഥാനാര്‍ഥി പി.കെ കുഞ്ഞാലിക്കുട്ടിയുടെ  തിരഞ്ഞെടുപ്പ് പ്രചാരണാര്‍ഥം അങ്ങാടി ബീച്ച് മൊല്ലബസാറില്‍ സ്ഥാപിച്ച കൂറ്റന്‍ ഫ്‌ളക്‌സ് ബോര്‍ഡ് അജ്ഞാതര്‍ തീയിട്ടു നശിപ്പിച്ചു.
വ്യാഴാഴ്ച അര്‍ധരാത്രിയിലാണ്  സംഭവം. ലീഗിന്റെയും കുഞ്ഞാലിക്കുട്ടിയുടേയും ചരിത്രം രേഖപ്പെടുത്തിയിരുന്ന ഫ്‌ളക്‌സാണ് നശിപ്പിക്കപ്പെട്ടത്. അക്രമത്തിന് പിന്നില്‍  സി പി എം  ആണെന്ന് ലീഗ് ആരോപിച്ചു. തെരഞ്ഞെടുപ്പ് പ്രചാരണാര്‍ഥവും മറ്റും നേരത്തേ  സ്ഥാപിച്ചിരുന്ന  പ്രചാരണ ബോര്‍ഡുകളും  നശിപ്പിക്കപ്പെട്ടിരുന്നു.