കൊച്ചി : പള്ളിവികാരിക്കൊപ്പം ഒളിച്ചോടിയ അധ്യാപികയെ കണ്ടെത്താന്‍ ഭര്‍ത്താവ് നല്‍കിയ ഹേബിയസ് കോര്‍പ്പസ് ഹരജിയില്‍ അധ്യാപികയെ ഈ മാസം 10ന് ഹാജരാക്കാന്‍ ഹൈക്കോടതി പൊലിസിന് നിര്‍ദേശം നല്‍കി. എറണാകുളം സ്വദേശിയും എയര്‍ഫോഴ്‌സ് ഉദ്യോഗസ്ഥനുമായ ജോ പോള്‍ നല്‍കിയ ഹരജിയിലാണ് ഡിവിഷന്‍ ബെഞ്ചിന്റെ നിര്‍ദേശം.
കളമശേരിയിലെ ഒരു പള്ളി വികാരിയുമായി ഭാര്യക്ക് അടുപ്പമുണ്ടായിരുന്നുവെന്നും മാര്‍ച്ച് 28ന് സ്‌കൂളിലേക്ക് ജോലിക്കു പോയ ഭാര്യ മടങ്ങി വന്നില്ലെന്നും ഹരജിയില്‍ പറയുന്നു. ഭാര്യയുടെ വീട്ടുകാര്‍ ഫോണില്‍ ബന്ധപ്പെട്ടപ്പോള്‍ വികാരിക്കൊപ്പം ബംഗളൂരുവിലാണെന്നും നാട്ടിലേക്ക് മടങ്ങുന്നില്ലെന്നും അധ്യാപിക പറഞ്ഞു. ഇതിനു ശേഷമാണ് ഡല്‍ഹിയിലായിരുന്ന ജോ പോള്‍ മടങ്ങിയെത്തി ഹൈക്കോടതിയില്‍ ഹരജി നല്‍കിയത്.