തിരുവമ്പാടി: തിരുവമ്പാടിയിലെ വിദേശമദ്യഷാപ്പ് പരിസരത്ത് മദ്യക്കുപ്പികള്‍ പൊട്ടിച്ചിട്ട നിലയില്‍ കണ്ടെത്തി. മദ്യഷാപ്പ് നിലകൊള്ളുന്ന ചേപ്പിലംകോട് റോഡില്‍ നിന്നാണ് ഇന്നലെ കുപ്പികള്‍ പൊട്ടിച്ച നിലയില്‍ കണ്ടെത്തിയത്.
ഇതുകാരണം സ്‌കൂള്‍ കുട്ടികള്‍ ഉള്‍പ്പെടെയുള്ള ആളുകള്‍ക്ക് വഴിനടക്കാന്‍ പ്രയാസമായി. വിദേശമദ്യഷാപ്പിലെ അനധികൃത പാര്‍ക്കിങ്ങിനെക്കുറിച്ചും മദ്യപരുടെ ശല്യത്തെക്കുറിച്ചും കഴിഞ്ഞദിവസം സുപ്രഭാതം റിപ്പോര്‍ട്ട് ചെയ്തിരുന്നു. ഇതിനിടയിലാണ് ഇന്നലെ കുപ്പികള്‍ വഴിയില്‍ പൊട്ടിച്ചിട്ട നിലയില്‍ കണ്ടെത്തിയത്. പൊതുവഴിയില്‍ കാല്‍നടയാത്ര പോലും ദുസ്സഹമാക്കുന്ന മദ്യപരുടെ അഴിഞ്ഞാട്ടത്തിന്റെ ഒടുവിലെ ഉദാഹരണമാണ് റോഡില്‍ വാരി വിതറിയ മദ്യക്കുപ്പികള്‍.ഇതോടെ പ്രദേശത്ത് വന്‍ പ്രതിഷേധം ഉയര്‍ന്നു കഴിഞ്ഞു.