പറവൂര്‍: കേസരി എ.ബാലകൃഷ്ണപിള്ളടെ 128-മത് ജന്മദിനത്തോടനുബന്ധിച്ച് സംഘടിപ്പിച്ചിട്ടുള്ള ദക്ഷിണേന്ത്യന്‍ സാഹിത്യോത്സവത്തിന് ഞായറാഴ്ച തുടക്കം കുറിക്കുമെന്ന് എം.എല്‍.എ മാരായ വി.ഡി സതീശന്‍,എസ് ശര്‍മ്മ എന്നിവര്‍ വാര്‍ത്താസമ്മേളനത്തില്‍ അറിയിച്ചു. ഇന്ന് രാവിലെ 9.30ന് കേസരിയുടെ അന്ത്യവിശ്രമഗ്രഹമായ മാടവനപ്പറമ്പില്‍ നടക്കുന്ന സാഹിത്യോത്സവം മുഖ്യമന്ത്രി പിണറായിവിജയന്‍ ഉല്‍ഘാടനം ചെയ്യും.വി ഡി സതീശന്‍ എംഎല്‍എ അദ്ധ്യക്ഷത വഹിക്കും. സാഹിത്യകാരന്‍ സേതു ആമുഖ പ്രഭാഷണം നടത്തും. എസ് ശര്‍മ എം.എല്‍.എ മലയാളം സര്‍വ്വകലാശാല വൈസ്ചാന്‍സലര്‍ കെ ജയകുമാര്‍, സാറജോസഫ്, പ്രസാദിപണിക്കര്‍, നഗരസഭചെയര്‍മാന്‍ രമേശ് ഡി കറുപ്പ്
എന്നിവര്‍ സംസാരിക്കും. തുടര്‍ന്ന് നടക്കുന്ന സെമിനാറില്‍ ഡോ.സുനില്‍ പി ഇളയിടം, ഡോ.എം ലീലാവതി,
ബി ആര്‍ പി ഭാസ്‌കര്‍ ,എം വി നാരായണന്‍, എന്നിവര്‍ പങ്കെടുക്കും.ഉച്ചക്ക് 2.30ന് ആരംഭിക്കുന്ന കവിസമ്മേളനത്തില്‍ ആലങ്കോട് ലീല കൃഷ്ണന്‍, മോഡറേറ്ററായിരിക്കും. ഫെറിക്ക് അഹമ്മദ്, അന്‍വര്‍അലി, വി എം ഗിരിജ, ശ്രീലത വര്‍മ്മ ,തുടങ്ങിയവര്‍ സംബന്ധിക്കും.
തിങ്കളാഴ്ച്ച രാവിലെ 10ന് ആരംഭിക്കുന്ന സാഹിത്യത്തിന്റെ സമകാലികത എന്നവിഷയത്തില്‍ നടക്കുന്ന സെമിനാറില്‍ എം കെ സാനു, തമിഴ് സാഹിത്യകാരന്‍ എല്‍ ആര്‍ സ്വാമി, തമിഴ്മലയാളം സാഹിത്യകാരന്‍ കെ.എസ് വെങ്കിടാചലം എന്നിവര്‍ പങ്കെടുക്കും 11.30ന് പുതുകാല നോവല്‍ പുതിയ കഥ എന്ന വിഷയത്തിലുള്ള സെമിനാര്‍ നടക്കും. ഉച്ചക്ക് 2.30 മുതല്‍ കലയും ആവിഷ്‌കാരസ്വാതന്ത്ര്യവും എന്ന വിഷയത്തില്‍ നടക്കുന്ന ചര്‍ച്ചയില്‍ എന്‍ എം പിയേഴ്‌സണ്‍ മോഡറേറ്ററാവും എഴുത്തുകാരായ സക്കറിയ, എം എന്‍ കാരശേരി, എം.ജി രാധാകൃഷ്ണന്‍ ,ടി.ടി രാമകൃഷണന്‍ എന്നിവര്‍ പ്രബന്ധങ്ങള്‍ അവതരിപ്പിക്കും.സമാപന ദിവസമായ ചൊവ്വാഴ്ച്ച രാവിലെ 9.30 മുതല്‍ പാരമ്പര്യവും മതനിരപേക്ഷതയും എന്ന വിഷയത്തില്‍ നടക്കുന്ന ചര്‍ച്ച സമ്മേളനത്തില്‍ കെ പി രാമനുണ്ണി മോഡറേറ്ററായിരിക്കും എന്‍ എസ് മാധവന്‍ കമല്‍ കെ വേണു ബാലചന്ദ്രന്‍ വടക്കേടത്ത് എന്നിവര്‍ സംബന്ധിക്കും. തുടര്‍ന്ന് ദക്ഷിണേന്ത്യന്‍ സാഹിത്യം ഇന്ന് എന്ന വിഷയത്തില്‍ കൊങ്കിണി, തെലുങ്ക്, കന്നട സാഹിത്യകാരന്മാരായ ദാമോദര്‍ മൗസോ, ശിവറെഡി, കെ സത്യനാരായണന്‍ ആര്‍.എസ് ഭാസ്‌കര്‍ തുടങ്ങിയവ പ്രമുഖര്‍ പങ്കെടുക്കും.