പടിഞ്ഞാറത്തറ: ബാണാസുര സാഗര്‍ ഡാമില്‍ തൊഴിലാളികള്‍ അനിശ്ചിതകാല പണിമുടക്കിലേക്ക്.
സ്‌പെഷല്‍ ഓഫിസറെ മാറ്റണമെന്ന് ആവശ്യപ്പെട്ടാണ് ഇവരുടെ സമരം. ബാണാസുര സാഗര്‍ ഡാമിന്റെ സെപ്ഷല്‍ ഓഫിസര്‍ തൊഴിലാളികളോട് സ്വജനപക്ഷ നിലപാടുകള്‍ കാണിക്കുകയാണെന്നാണ് ആരോപണം. മാനേജമെന്റ് സ്റ്റാഫിനെ നോക്കുകുത്തിയാക്കി കൊണ്ട് സെപ്ഷല്‍ ഓഫിസറിന്റെ ആജ്ഞാനുവര്‍ത്തികളായവര്‍ ബദല്‍ ഭരണം നടത്തുകയാണെന്നും ഇവര്‍ ആരോപിക്കുന്നു. സ്‌പെഷല്‍ ഓഫിസര്‍ക്ക് പ്രത്യേക താല്‍പര്യമുള്ള വ്യക്തികള്‍ക്ക് മാത്രം ബോണസ് കൂട്ടിക്കൊടുക്കുകയാണെന്നും തൊഴിലാളികള്‍ പറയുന്നു. സ്ഥാപനത്തിന്റെ പുരോഗതിക്ക് തടസമായി നില്‍ക്കുന്ന സെപ്ഷല്‍ ഓഫിസര്‍ ഈ സ്ഥാപനത്തില്‍ നിന്നും മാറ്റും വരെ സമരം തുടരുമെന്ന് തൊഴിലാളികള്‍ അറിയിച്ചു. എന്നാല്‍ തൊഴിലാളികളോട് വിവേചനം കാണിച്ചുവെന്ന ആരോപണം അടിസ്ഥാന രഹിതമാണെന്നാണ് സെപ്ഷല്‍ ഓഫിസറുടെ വാദം.