പുതിയതെരു: മോഷ്ടിച്ച ബൈക്കുകളുമായി മൂന്ന് യുവാക്കള്‍ പൊലിസ് പിടിയില്‍. നാറാത്ത് ആലിങ്കില്‍ ലിഥിന്‍(22), കാപ്പാട് വായനശാലക്ക് സമീപത്തെ അഖില്‍(19), റജിനാസ്(20) എന്നിവരെയാണ് വളപട്ടണം എസ്.ഐ ശ്രീജിത്ത് കൊടേരി അറസ്റ്റ് ചെയ്തത്. പ്രതികള്‍ മൂന്ന് പേരും മോഷ്ടിച്ച ബൈക്കില്‍ യാത്ര ചെയ്യവെ പനങ്കാവില്‍ വാഹന പരിശോധനക്കിടെയാണ് പൊലിസ് പിടിയിലാകുന്നത്. പിടികൂടിയ ബൈക്ക് കാഞ്ഞിരോട് തെരുവിലെ പള്ളിയിലെ ഖത്ത്വീബിന്റേതും കടലായിയില്‍ നിന്നും മൂന്ന്‌നിരത്ത് നിന്നും മോഷണം പോയതടക്കം മൂന്ന് ബൈക്കുകള്‍ കണ്ടെടുത്തു. വാഹനത്തിന്റെ നമ്പര്‍ പ്ലേറ്റ് വ്യാജമായി ഉണ്ടാക്കി ഉപയോഗിക്കുകയും കഞ്ചാവ് വില്‍പ്പന നടത്താറുണ്ടെന്നും    പൊലിസ് പറഞ്ഞു.