കോട്ട (രാജസ്ഥാന്‍): നിയമവിരുദ്ധ പ്രവൃത്തികള്‍ ചെയ്യുന്ന സന്യാസിമാരെയും സ്വയംപ്രഖ്യാപിത ആള്‍ ദൈവങ്ങളേയും തൂക്കിക്കൊല്ലണമെന്ന് യോഗ ഗുരു ബാബ രാംദേവ്. പരിധി വിടുന്നവരെ ജയിലിേക്കയച്ചാല്‍ മാത്രം പോര തൂക്കിക്കൊല്ലുക തന്നെ വേണം- അദ്ദേഹം പറഞ്ഞു.

കാവിനിറത്തിലുള്ള വസ്ത്രം ധരിച്ചതുകൊണ്ടു മാത്രം ഒരാള്‍ മതനേതാവാകില്ലെന്നും അദ്ദേഹം ചൂണ്ടിക്കാട്ടി. രാജസ്ഥാനിലെ കോട്ടയില്‍ മാധ്യമങ്ങളോട് സംസാരിക്കുകയായിരുന്നു രാംദേവ്.

ദാത്തി മഹാരാജ് എന്ന സ്വയംപ്രഖ്യാപിത ആള്‍ദൈവത്തിനെതിരെ ബലാത്സംഗവും വഞ്ചനയും അടക്കമുള്ള കുറ്റങ്ങള്‍ ചുമത്തി കേസെടുത്ത സാഹചര്യത്തിലാണ് ബാബ രാംദേവിന്റെ പ്രതികരണം.