വടകര: എസ്.എസ്.എല്‍.സിക്ക് എല്ലാ വിഷയത്തിലും എ പ്ലസ് ലഭിച്ച വിദ്യാര്‍ഥിക്ക് പ്ലസ് വണ്‍ സീറ്റില്ല. തോടന്നൂരിലെ നെല്യേരി താഴ കുനിയില്‍ ബിതുല്‍ബാലനാണ് ഈ ഗതി.
ആദ്യ അലോട്ട് മെന്റില്‍ ലഭിച്ചെങ്കിലും സ്‌കൂളിലെത്തിയപ്പോള്‍ തിരിച്ചയച്ചെന്നാണ് പരാതി. ഈഴവ വിഭാഗക്കര നായ വിദ്യാര്‍ഥി ഒ.ബി.സി അല്ലെന്നാണ് സ്‌കൂള്‍ അധികൃതര്‍ പറഞ്ഞത്.
വിദ്യാര്‍ഥി പിന്നീട് രണ്ടാം അലോട്ട്‌മെന്റിലും ഉണ്ടായിരുന്നെങ്കിലും കിട്ടിയില്ല. ഇനി സ്പലിമെന്ററി ലിസ്റ്റിലും പ്രവേശനം ലഭിക്കാനിടയില്ല.
തന്റേതല്ലാത്ത കുറ്റത്തിന് ഹയര്‍ സെക്കന്‍ഡറി വിദ്യാഭ്യാസം മുടങ്ങുമെന്ന നിലയിലാണ് ഈ വിദ്യാര്‍ഥി . ഇതിലും മാര്‍ക്ക് കുറഞ്ഞവര്‍ ഇന്ന് പ്ലസ് വണ്‍ ക്ലാസിനെത്തുമ്പോള്‍ എല്ലാ വിഷയത്തിലും എ പ്ലസ് നേടിയ ബിതുല്‍ പുറത്തായിരിക്കുകയാണ്.
ഉയര്‍ന്ന മാര്‍ക്കുള്ളപ്പോള്‍ ജനറല്‍ വിഭാഗത്തില്‍ തന്നെ അര്‍ഹതയുണ്ടെങ്കിലും എന്തിന് ജാതി പരിഗണന എന്നും വ്യക്തമല്ല.