കാസര്‍കോട്:ജില്ലാ പൊലിസ് മേധാവിയുടെ നേതൃത്വത്തില്‍ കഴിഞ്ഞ ദിവസം രാത്രി നടത്തിയ വാഹന പരിശോധനയില്‍ മുന്നൂറോളം വാഹങ്ങള്‍ പിടിയിലായി. കഴിഞ്ഞ ദിവസം രാത്രി എട്ടു മുതല്‍ പുലരും വരെ നടത്തിയ പരിശോധനയിലാണ് ജില്ലയില്‍ ഇത്രയും വാഹനങ്ങള്‍ പിടിയിലായത്. ലൈസന്‍സ്, ബന്ധപ്പെട്ട രേഖകള്‍ എന്നിവയില്ലാതെ ഓടുകയായിരുന്ന വാഹനങ്ങളാണ് പിടിയിലായത്.
ജില്ലാ പൊലിസ് മേധാവിക്ക് പുറമെ ഡിവൈ.എസ്.പിമാര്‍, സി.ഐമാര്‍, എസ്.ഐ.മാര്‍ എന്നിവരുടെ നേതൃത്വത്തില്‍ പ്രധാന കവലകള്‍ തോറും കേന്ദ്രീകരിച്ചും മറ്റുമാണ് വ്യാപകമായ വാഹന പരിശോധന നടത്തിയത്.
രാത്രി കാലങ്ങളില്‍ നടക്കുന്ന കുറ്റകൃത്യങ്ങള്‍ ഒഴിവാക്കുക, രേഖകളില്ലാതെ സഞ്ചരിക്കുന്ന വാഹനങ്ങള്‍ കണ്ടെത്തുക എന്ന ലക്ഷ്യത്തോടെയാണ് വ്യാപകമായ പരിശോധന നടത്തിയതെന്ന് പൊലിസ് പറഞ്ഞു.