കൊച്ചി: സ്മാര്‍ട്‌ഫോണ്‍ നിര്‍മാതാക്കളായ വിവോ ഏറ്റവും പുതിയ സാങ്കേതിക വിദ്യയില്‍ വിവോ വി15 പ്രോ പുറത്തിറക്കി. സ്മാര്‍ട്‌ഫോണില്‍ ആദ്യമായി പോപ്പ് അപ്പ് സെല്‍ഫി കാമറ എന്നതാണ് പുതിയ സ്മാര്‍ട്‌ഫോണിന്റെ ഏറ്റവും വലിയ സവിശേഷത. ഐ ട്രിപ്പിള്‍ റിയര്‍ കാമറ, ഇന്‍ ഡിസ്‌പ്ലേ ഫിംഗര്‍പ്രിന്റ് സ്‌കാനിങ് ടെക്‌നോളജി, 6.39ഇഞ്ച് സൂപ്പര്‍ അമോലെഡ് അള്‍ട്രാ ഫുള്‍ വ്യൂ ഡിസ്‌പ്ലേ എന്നിവയാണ് മറ്റ് പ്രധാന സവിശേഷതകള്‍.

6 ജിബി റാമും 128 ജിബി മെമ്മറിയുമുള്ള സ്മാര്‍ട്‌ഫോണിന്റെ വില 28,990 രൂപയാണ്. വിവോ ഇ സ്റ്റോര്‍, ആമസോണ്‍, ഫ്‌ളിപ്കാര്‍ട്ട് തുടങ്ങിയ ഓണ്‍ലൈന്‍ സ്റ്റോറുകളിലും വിവോയുടെ ഓഫ്‌ലൈന്‍ സ്റ്റോറുകളിലും പ്രീ ഓര്‍ഡര്‍ സൗകര്യം ലഭ്യമാണ്. ടോപാസ് ബ്ലൂ, റൂബി റെഡ് എന്നീ രണ്ട് നിറങ്ങളില്‍ മാര്‍ച്ച് ആറോടെ വിവോ വി 15പ്രോ ഉപഭോക്താക്കളിലേക്കെത്തും.

എ.ഐ 48 മില്യണ്‍ കോഡ് പിക്‌സല്‍ സെന്‍സറോഡുകൂടിയ 32 എം.പി പോപ്പ് അപ്പ് സെല്‍ഫി കാമറ, ട്രിപ്പിള്‍ റിയര്‍ കാമറ എന്നിവ ഏറ്റവും മികച്ച ചിത്രങ്ങള്‍ പകര്‍ത്തുവാന്‍ സഹായിക്കുന്നു. കനവും ഭാരവും കുറഞ്ഞ വി 15 പ്രോയുടെ ബാറ്ററി കരുത്ത് 3700 എം.എ.എച്ച് ആണ്. കൂടാതെ ഡ്യൂവല്‍ എന്‍ജിന്‍ ഫാസ്റ്റ് ചാര്‍ജിങ് സംവിധാനം അടങ്ങിയിരിക്കുന്ന ഫോണ്‍ വെറും 15മിനിറ്റിനുള്ളില്‍ 24ശതമാനത്തിലധികം ചാര്‍ജ് ആകുന്നു.