മലപ്പുറം: പ്രതിപക്ഷ നേതാവ് രമേശ് ചെന്നിത്തല ഇന്നലെ പാണക്കാട്ടെത്തി മുസ്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങളുമായി കൂടിക്കാഴ്ച നടത്തി.

തെരഞ്ഞെടുപ്പില്‍ യു.ഡി.എഫ് ഒറ്റക്കെട്ടായി നിലകൊള്ളുമെന്നു രമേശ് ചെന്നിത്തല മാധ്യമപ്രവര്‍ത്തകരോട് പറഞ്ഞു. യു.ഡി.എഫിന് ശക്തി പകരുന്ന പാര്‍ട്ടിയാണ് മുസ്‌ലീം ലീഗെന്നും അദ്ദേഹം പറഞ്ഞു.

ഉഭയകക്ഷി ചര്‍ച്ചയ്ക്കു ശേഷം തീരുമാനം കൈക്കൊള്ളുന്നതിന് ഇന്നു പാണക്കാട്ട് മുസ്‌ലിം ലീഗ് ഉന്നതാധികാര സമിതി ചേരാനിരിക്കെയാണ് ഇന്നലെ ഉച്ചതിരിഞ്ഞ് ചെന്നിത്തല പാണക്കാട്ടെത്തിയത്..