ചെറുതുരുത്തി: സമസ്ത കേരള സുന്നി മഹല്ല് ഫെഡറേഷന്‍ (എസ്.എം.എഫ്) സംസ്ഥാന കമ്മിറ്റി, പോഷക ഘടകങ്ങളായ ജംഇയ്യത്തുല്‍ ഖുത്വബാഇന്റെ സംസ്ഥാന പ്രവര്‍ത്തക സമിതിയുടെയും പ്രൊജക്ട് വിങിന്റെയും അംഗങ്ങള്‍ക്കായി തൃശൂര്‍ ജില്ലയിലെ ചെറുതുരുത്തി നൂറുല്‍ ഹുദാ ഓര്‍ഫനേജ് കാംപസില്‍ സംഘടിപ്പിച്ച ട്രെയ്‌നിങ് ക്യാംപ് 'ഇത്തിഹാദ് 2019'ന് പ്രൗഢമായ തുടക്കം. സമുദായ സമുദ്ധാരണത്തിനായി മഹല്ല് തലങ്ങളില്‍ വിവിധ കര്‍മ പദ്ധതികള്‍ ആവിഷ്‌കരിച്ച് നടപ്പിലാക്കുന്നതിന്റെ ഭാഗമായാണ് ക്യാംപ് സംഘടിപ്പിച്ചത്. സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ പതാക ഉയര്‍ത്തി.
എസ്.എം.എഫ് സംസ്ഥാന ഉപാധ്യക്ഷന്‍ സയ്യിദ് പൂക്കോയ തങ്ങള്‍ ചന്തേരയുടെ അധ്യക്ഷതയില്‍ ചേര്‍ന്ന ക്യാംപ് സമസ്ത കേന്ദ്ര മുശാവറ അംഗം ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു. പ്രവാചകന്റെ ജീവിത സന്ദേശങ്ങളും രീതികളും മഹല്ലുകളിലേക്ക് എത്തിക്കാന്‍ സുന്നി മഹല്ല് ഫെഡറേഷന്റെയും ജംഇയ്യത്തുല്‍ ഖുത്വബാഇന്റെയും പ്രവര്‍ത്തകര്‍ ശ്രമിക്കണമെന്ന് അദ്ദേഹം പറഞ്ഞു. എസ്.എം.എഫ് സംസ്ഥാന വര്‍ക്കിങ് സെക്രട്ടറി യു.മുഹമ്മദ് ശാഫി ഹാജി, ഹംസബിന്‍ ജമാല്‍ റംലി, പിണങ്ങോട് അബൂബക്കര്‍, എസ്.കെ ഹംസ ഹാജി, ചുഴലി മുഹ്‌യിദ്ദീന്‍ മുസ്‌ലിയാര്‍, സയ്യിദ് ഇമ്പിച്ചിക്കോയ തങ്ങള്‍, നാസര്‍ ഫൈസി കൂടത്തായി, പി.എ അബ്ദുല്‍ കരീം, എ.കെ ആലിപ്പറമ്പ് സംസാരിച്ചു.

വിവിധ വിഷയങ്ങളില്‍ നടന്ന ചര്‍ച്ചകളില്‍ ഡയരക്ടര്‍ സി.ടി അബ്ദുല്‍ ഖാദര്‍ തൃക്കരിപ്പൂര്‍, എസ്.വി മുഹമ്മദലി, ബഷീര്‍ കല്ലേപ്പാടം, കെ.എ റഹ്മാന്‍ ഫൈസി, അബ്ദുല്‍ ബാഖി കണ്ണൂര്‍, ഹംസ റഹ്മാനി കൊണ്ടിപ്പറമ്പ്, ഡോ. സുബൈര്‍ ഹുദവി ചേകന്നൂര്‍, ഹകീം മാസ്റ്റര്‍ മാടക്കല്‍, നാസര്‍ മാസ്റ്റര്‍ കല്ലൂരാവി, ശംസുദ്ദീന്‍ മാസ്റ്റര്‍ ഒഴുകൂര്‍, മുനീര്‍ ഹുദവി ഫറോക്ക് നേതൃത്വം നല്‍കി. ക്യാംപ് ഇന്ന് സമാപിക്കും.