ദോഹ: പ്രവാസികളെ തിരികെ നാട്ടിലെത്തിക്കാന്‍ ഇന്ന് ഗള്‍ഫില്‍ നിന്ന് കൊച്ചിയിലെത്തുന്നത് മൂന്ന് വിമാനങ്ങള്‍. 541 പ്രവാസികളാണ് ഒമാന്‍, കുവൈറ്റ്, ഖത്തര്‍ എന്നീ രാജ്യങ്ങളില്‍ നിന്ന് നാട്ടിലെത്തുന്നത്. ഇതില്‍ കുവൈറ്റില്‍ നിന്നുള്ള ആദ്യ വിമാനം കൊച്ചിയിലെത്തി. 181 യാത്രക്കാരാണ് ഇതിലുള്ളത്.

ഇന്ത്യന്‍ പ്രവാസികള്‍ക്കിടയില്‍ വൈറസ് വ്യാപകമായ കുവൈത്തില്‍ നിന്നാണ് മൂന്നാം ദിനത്തെ ആദ്യ വിമാനം പുറപ്പെട്ടത്. രാത്രി 9. 30 ഓടെയാണ് നെടുമ്പാശേരിയിലെത്തിയത്. 181 യാത്രക്കാരില്‍ ഗര്‍ഭിണികള്‍, രോഗികള്‍ വിസാകാലവധി കഴിഞ്ഞവര്‍, തൊഴില്‍ നഷ്ടമായവര്‍ എന്നിവരാണുള്ളത്. രാത്രി 9.30ന് 183 യാത്രക്കാരുമായി ഖത്തറിലെ ദോഹയില്‍ നിന്നുള്ള ആദ്യസംഘം കൊച്ചയിലേക്ക് പുറപ്പെടും.