റിയാദ്: റിയാദിൽ മലയാളി ഹൃദയാഘാതം മൂലം നിര്യാതനായി. കൊല്ലം കൊട്ടാരക്കര സ്വദേശി ബിജു എന്ന നജ്മുദ്ദീൻ (48) ആണ്‌ മരിച്ചത്. വെള്ളിയാഴ്ച രാത്രി വീട്ടിലേക്ക് ഫോണിൽ സംസാരിച്ചു കൊണ്ടിരിക്കെ ദേഹാസ്വാസ്ഥ്യം അനുഭവപ്പെടുകയും കുഴഞ്ഞ് വീഴുകയുമായിരുന്നു.  റിയാദ് ഷിഫയിൽ കോഫി ഷോപ്പ് ജീവനക്കാരനായിരുന്നു. കൊല്ലം കൊട്ടാരക്കര മുസ്ലിം സ്ട്രീറ്റിൽ വാർത്തുണ്ടിൽ പുത്തൻ വീട്ടിൽ പരീത്, ബീവി ജഹാൻ എന്നിവരുടെ മകനാണ്‌.  ഭാര്യ : റിൻഷാ മോൾ. നിഹാല ഏക മകളാണ്‌.  തുടർനടപടികൾ സ്വീകരിക്കാൻ റിയാദ് മലപ്പുറം ജില്ലാ കെ.എം.സി.സി വെൽഫെയർ വിംഗ് ചെയർമാൻ റഫീഖ് മഞ്ചേരി രംഗത്തുണ്ട്.