ചെറുപുഴ: പാടിയോട്ട് ചാലില്‍ മലഞ്ചരക്ക് കട കുത്തിതുറന്ന് മോഷണം ആറ് ക്വിന്റലോളം കുരുമുളക് മോഷണം പോയി. പാടിച്ചാല്‍ പാടി കൊച്ചിയിലെ കെ.എ കുര്യാക്കോസിന്റെ പാടിച്ചാന്‍ മുനയംകുന്ന് രക്തസാക്ഷി സ്മാരകത്തിന് സമീപത്തുള്ള കടയിലാണ് മോഷണം നടന്നത്. ചൊവ്വാഴ്ച രാത്രിയാണ് സംഭവമെന്ന് കരുതുന്നു.
ബുധനാഴ് രാവിലെ കട തുറക്കാനെത്തിയവരാണ്. കടയില്‍ മോഷണം നടന്നത് കണ്ടത്. കടയുടെ ഷട്ടറിന്റെ പൂട്ട് മുറിച്ചാണ് മോഷണം നടത്തിയത്. മോഷ്ടിച്ച കുരുമുളക് കടത്തി മുനയം കുന്ന് സ്മാരകത്തിന് സമീപത്തെ സ്റ്റേജില്‍ കൊണ്ട് പോയിട്ടാണ് വാഹനത്തില്‍ കയറ്റിയതെന്ന് സംശയിക്കുന്നു കടയില്‍ നിന്നും സ്റ്റേജ് വരെ നിലത്തും സ്റ്റേജിലും കുരുമുളക് വീണു കിടക്കുന്നതായും കാണുന്നുണ്ട്. ചെറുപുഴ എസ്.ഐ എം.വി ജോയിയുടെ നേതൃത്വത്തില്‍ കേസെടുത്ത് അന്വേഷണം ആരംഭിച്ചു.