തലശ്ശേരി: കതിരൂര്‍ ഗ്രാമ പഞ്ചായത്തിന്റെ ആഭിമുഖ്യത്തില്‍ കതിരൂര്‍ തരുവണത്തെരുവിലെ പാട്യം ഗോപാലന്‍ സ്മാരക വായനശാല സംഘടിപ്പിക്കുന്ന കൈത്തറി ഫെസ്റ്റ് 10ന് വൈകുന്നേരം അഞ്ച് മണിക്ക് മാഹി എം.എല്‍.എ ഡോ.വി രാമചന്ദ്രന്‍ ഉദ്ഘാടനം ചെയ്യും.
തരുവണത്തെരുവിലെ ജ്യോതി ടാക്കീസിലാണ് പ്രദര്‍ശനം ഒരുക്കിയിട്ടുള്ളത.് മുണ്ടുകള്‍, ഷര്‍ട്ടുകള്‍, തോര്‍ത്തുകള്‍, പുതപ്പുകള്‍, ബെഡ്ഷീറ്റുകള്‍, ഹാന്‍ഡ് ബാഗുകള്‍ തുടങ്ങിയവ വില്‍പ്പനയ്ക്കുണ്ടാവും. കതിരൂറിലെ വിവിധ കുടുംബശ്രീകളുടെ ഉള്‍പ്പന്നങ്ങളുടെ സ്റ്റാളുകളും പ്രദര്‍ശന നഗരിയിലുണ്ടാവും. വാര്‍ത്താ സമ്മേളനത്തില്‍ കതിരൂര്‍ ഗ്രാമപഞ്ചായത്ത് വൈസ് പ്രസിഡന്റ് പി.പി സനില്‍, സി ഷാജി, വാടി സുധി, ദിനേഷ് കാളി, ജയദേവന്‍ പങ്കെടുത്തു.