മുക്കം : മത്തായി ചാക്കോ പഠനഗവേഷണ കേന്ദ്രത്തിന്റെ ആഭിമുഖ്യത്തില്‍ വര്‍ഷങ്ങളായി നടത്തിവരുന്ന മുക്കം ഫെസ്റ്റിന് തുടക്കം. ജല വിനോദങ്ങള്‍, എഗ്ഗ് ഫെസ്റ്റ്, ഫുഡ് ഫെസ്റ്റ്, അക്വാ ഫെസ്റ്റ്, പുരാവസ്തു പ്രദര്‍ശനം, കാര്‍ഷിക ഉല്‍പന്നങ്ങളുടെ പ്രദര്‍ശനം, കാര്‍ഷിക ഉപകരണങ്ങളുടെ പ്രദര്‍ശനം, ബുക്ക് ഫെസ്റ്റ്, വിവിധ സര്‍ക്കാര്‍ സ്ഥാപനങ്ങളുടെ സ്റ്റാളുകള്‍, കേരളത്തിലെ പ്രശസ്ത കലാകാരന്മാര്‍ അണിനിരക്കുന്ന കലാസന്ധ്യ തുടങ്ങിയ അനേകം പരിപാടികള്‍ ഫെസ്റ്റിന്റെ ഭാഗമായി ഒരുക്കിയിട്ടുണ്ട്.  സംഘാടക സമിതി ഓഫിസ്  ജോര്‍ജ് എം.തോമസ് എം.എല്‍.എ ഉദ്ഘാടനം ചെയ്തു.
സംഘാടക സമിതി ചെയര്‍മാന്‍ വി. കുഞ്ഞന്‍ മാസ്റ്റര്‍ അധ്യക്ഷനായി. കണ്‍വീനര്‍ വി.കെ വിനോദ്, ടി.പി രാജീവ് മാസ്റ്റര്‍, വി.പി ജമീല, പ്രശോഭ് കുമാര്‍, വ്യാപാരി, വ്യവസായി പ്രതിനിധികള്‍, സാംസ്‌കാരിക പ്രവര്‍ത്തകര്‍ സംബന്ധിച്ചു.