കൊടുവള്ളി: സമ്പൂര്‍ണ ഭവന പദ്ധതിയുടെ ഭാഗമായി പി.എം.എ.വൈ പദ്ധതിയില്‍ ഉള്‍പ്പെടുത്തി കൊടുവള്ളി നഗരസഭയില്‍ നിര്‍മാണം പൂര്‍ത്തിയാക്കിയ 125 വീടുകളുടെ താക്കോല്‍ദാനം പ്രവാസി ഭാരതീയ സമ്മാന്‍ ജേതാവ് അഷ്‌റഫ് താമരശ്ശേരി നിര്‍വഹിച്ചു. നഗരസഭാ ചെയര്‍പേഴ്‌സണ്‍ ശരീഫ കണ്ണാടിപ്പൊയില്‍ താക്കോല്‍ദാന ചടങ്ങ് ഉദ്ഘാടനം ചെയ്തു. ഡെപ്യൂട്ടി ചെയര്‍മാന്‍ എ.പി മജീദ് അധ്യക്ഷനായി. പുതിയ ഡി.പി.ആറില്‍ ഉള്‍പ്പെട്ട ഗുണഭോക്താക്കള്‍ക്കുള്ള ഒന്നാം ഗഡു വിതരണം ക്ഷേമകാര്യ സ്ഥിരം സമിതി അധ്യക്ഷന്‍ കെ. ബാബു നിര്‍വഹിച്ചു. പട്ടികജാതി കുടുംബങ്ങള്‍ക്കുള്ള കുടിവെള്ള ടാങ്ക് വികസനകാര്യ സ്ഥിരം സമിതി അധ്യക്ഷ ഹാജറ ബീവി വിതരണം ചെയ്തു.