അഹമദാബാദ്: ഗുജറാത്ത് നിയമസഭാ തെരഞ്ഞെടുപ്പിനു മുന്നോടിയായി ആംആദ്മി പാര്‍ട്ടി നേതാവും ഡല്‍ഹി മുഖ്യമന്ത്രിയുമായ അരവിന്ദ് കെജ്‌രീവാള്‍ സംസ്ഥാനത്ത് പ്രചാരണം തുടങ്ങി. പ്രധാനമന്ത്രി നരേന്ദ്ര മോദിയുടെ സ്വന്തം നാട്ടിലാണ് ആം ആദ്മി നേട്ടമുണ്ടാക്കാന്‍ ശ്രമിക്കുന്നത്. 

ഇന്നലെ രാവിലെ കുടുംബസമേതം ഗുജറാത്തിലെത്തിയ കേജ്‌രീവാള്‍ സംസ്ഥാനത്തെ പ്രസിദ്ധ ശിവക്ഷേത്രമായ സോമനാഥ് സന്ദര്‍ശിച്ചു. ഗുജറാത്ത് മുഖ്യമന്ത്രി ആനന്ദിബെന്‍ പട്ടീലിനെതിരേ ശക്തമായ ആരോപണവും അദ്ദേഹം ഉന്നയിച്ചു.
താന്‍ രണ്ട് ദിവസത്തെ സന്ദര്‍ശനത്തിനാണ് ഗുജറാത്തിലെത്തിയതെന്നും എന്നാല്‍ മുഖ്യമന്ത്രി അനാവശ്യ രാഷ്ട്രീയ ഇടപെടലുകള്‍ നടത്തി രണ്ടാം ദിവസത്തെ പരിപാടികള്‍ റദ്ദാക്കിയതായും കേജ്‌രീവാള്‍ ആരോപിച്ചു.