കണ്ണൂര്‍: പ്രവാസികളുമായുള്ള ആദ്യ വിമാനം കണ്ണൂരിലെത്തി. രാത്രി 7.30നാണ് ദുബൈയില്‍ നിന്നുള്ള 182 യാത്രക്കാരുമായി എയര്‍ഇന്ത്യാ എക്സ്പ്രസ് വിമാനം കണ്ണൂര്‍ വിമാനത്താവളത്തില്‍ ലാന്‍ഡ് ചെയ്തത്. ഇതിനായി യാത്രക്കാരില്ലാതെ പ്രത്യേക വിമാനം രാവിലെ 10.50ന് ദുബൈയിലേക്കു തിരിച്ചിരുന്നു.

കണ്ണൂരിലേക്കുള്ള യാത്രക്കാരില്‍ 162 പേര്‍ മുതിര്‍ന്നവരും 15 കുട്ടികളും അഞ്ചു നവജാത ശിശുക്കളുമാണ്. പ്രവാസികളുമായി സഊദി അറേബ്യയിലെ റിയാദില്‍ നിന്നു കണ്ണൂരിലേക്കു 20നു പ്രത്യേക വിമാന സര്‍വിസ് നടത്തും. എയര്‍ഇന്ത്യയാണു സര്‍വിസ് നടത്തുക. 20നു മുംബൈയില്‍ നിന്നു തിരിക്കുന്ന വിമാനം കണ്ണൂരിലെത്തി മുംബൈയിലേക്കു തിരിക്കും. മുംബൈയില്‍ ഇറങ്ങാന്‍ താല്‍പര്യം അറിയിച്ചവരെ പ്രവാസികളെയും ഈ വിമാനത്തില്‍ ഉള്‍പ്പെടുത്തും.