മംഗളൂരു: കര്‍ണാടക ബന്ദിപ്പൂര്‍ വനമേഖലയില്‍ ഉണ്ടായ കാട്ടുതീക്ക് പിന്നാലെ ചിക്കമംഗളൂരുവിനടുത്തെ കുദ്രേമുഖ് വനത്തിലും തീപിടിച്ചു.
സംഭവത്തില്‍ 200 ഏക്കറോളം സ്ഥലത്തെ മരങ്ങള്‍ ഉള്‍പ്പെടെ കത്തിനശിച്ചതായാണ് വിവരം. ബന്ദിപ്പൂര്‍ വനമേഖലക്കുസമീപത്തെ വിവിധ ഭാഗങ്ങളിലുണ്ടായ തീപിടിത്തം അതിവേഗം പടര്‍ന്ന് മൂവായിരത്തിലധികം ഹെക്ടര്‍ സ്ഥലത്തെ മരങ്ങളുള്‍പ്പെടെ കത്തിനശിച്ചു.
ഒട്ടനവധി ജീവജാലങ്ങള്‍ക്കും നാശം നേരിട്ടു. ഇതിനു പിന്നാലെയാണ് കഴിഞ്ഞ ദിവസം കുദ്രേമുഖ് വനത്തിലും തീപടര്‍ന്നത്.
അതേസമയം, കുദ്രേമുഖ് വനമേഖലയില്‍ മനഃപൂര്‍വം ആരോ തീയിട്ടതായി വനം വകുപ്പ് ഉദ്യോഗസ്ഥര്‍ സംശയിക്കുന്നു.
ഇതേ തുടര്‍ന്ന് അന്വേഷണം നടത്തി വരികയാണ്. അന്വേഷണത്തിനുശേഷം യഥാര്‍ഥ വിവരം ലഭിക്കുമെന്നാണ് വനം വകുപ്പ് ഉദ്യോഗസ്ഥര്‍ പറയുന്നത്.