ചക്കരക്കല്‍: മഹല്ലുകളിലെ ജീര്‍ണതകള്‍ക്കെതിരേ മഹല്ല് ഭാരവാഹികള്‍ ജാഗ്രത പുലര്‍ത്തണമെന്ന് ചെമ്പിലോട് പഞ്ചായത്ത് ഏരിയ സമസ്ത മഹല്ല് കോഡിനേഷന്റെ ആഭിമുഖ്യത്തില്‍ നടന്ന അല്‍ ബിദായ ഏകദിന ക്യാംപ് അഭിപ്രായപ്പെട്ടു.
മഹല്ലുകളില്‍ ലഹരി വിരുദ്ധ പ്രവര്‍ത്തനങ്ങളും അനിസ്‌ലാമിക പ്രവണതകക്കെതിരെയുള്ള ഉദ്‌ബോധന പ്രവര്‍ത്തനങ്ങള്‍ സജീവമാക്കണമെന്നും ആവശ്യപ്പെട്ടു. വിവിധ മഹല്ല് പ്രതിനിധികളും സംഘടനാ ഭാരവാഹികളും  പങ്കെടുത്തു. ചക്കരക്കല്‍ ജുമാമസ്ജിദ് ഖത്തീബ് സഹദ് ഹുദവി പ്രാര്‍ഥന നടത്തി. ഡോക്ടര്‍ എം മുഹമ്മദലി ഉദ്ഘാടനം ചെയ്തു. രക്ഷാധികാരി എന്‍.സി മുഹമ്മദ് ഹാജി അധ്യക്ഷനായി. മഹല്ല് ശാക്തീകരണം എന്ന വിഷയത്തില്‍ നടന്ന ക്ലാസിന് എസ്.വി മുഹമ്മദലി നേതൃത്വം നല്‍കി. മഹല്ലുകളെയും സംഘടനയെയും  പ്രതിനിധീകരിച്ച് അബ്ദുറസാഖ്  ഫൈസി, ഇല്യാസ് ഫൈസി, ഹാഷിര്‍ ബാഖവി, ഇസ്സുദ്ദീന്‍ മൗലവി, അബ്ദുല്‍ ഫത്താഹ് മൗവ്വഞ്ചേരി, ഉസ്മാന്‍ ചെമ്പിലോട്, സക്കരിയ പൊതുവാച്ചേരി, റിയാസ് കൊയ്യോട്, മുഹമ്മദ് ഇരിവേരി, ഇസ്മാഈല്‍ പള്ളിപ്പൊയില്‍, അശ്‌റഫ് കണയന്നൂര്‍, പ്രസിഡന്റ് നസീര്‍ ഹാജി ചക്കരക്കല്‍, ജനറല്‍ സെക്രട്ടറി സുബൈര്‍ തന്നട സംസാരിച്ചു. ട്രഷറര്‍  റിയാസ് ചെമ്പിലോട് ചീഫ് കോര്‍ഡിനേറ്റര്‍ ആയിരുന്നു. പി സക്കരിയ മുബാറക്, യാസീന്‍ ചെമ്പിലോട്, എം.സി റഫീഖ് പുത്തന്‍വീട്, ആബിദ് കൊയ്യോട്, ഷമീം, സലീം കെ.വി ഇരിവേരി കോര്‍ഡിനേറ്റര്‍മാരായി ക്യാപ് നിയന്ത്രിച്ചു.