താമരശേരി: ഒയിസ്‌ക ജില്ലാ കണ്‍വന്‍ഷന്‍ ഈങ്ങാപ്പുഴ ടി.കെ. ട്രസ്റ്റ് പബ്ലിക് സ്‌കൂളില്‍ കവി പി.കെ. ഗോപി ഉദ്ഘാടനം ചെയ്തു.  ജില്ലാ പ്രസിഡന്റണ്ട് പി. ഹേമപാലന്‍ അധ്യക്ഷനായി. സൗത്ത് ഇന്ത്യന്‍ സെക്രട്ടറി ജനറല്‍ എം. അരവിന്ദബാബു മുഖ്യപ്രഭാഷണം നടത്തി. ഔഷധ സസ്യവും ഗൃഹവൈദ്യവും എന്ന വിഷയത്തില്‍ നളിനാക്ഷന്‍, മുറ്റൊത്തൊരു വറ്റാത്ത കിണര്‍  എന്ന വിഷയം നരേന്ദ്ര ദേവ്, ഒയിസ്‌ക വിഷന്‍ ആന്‍ഡ് മിഷന്‍ എന്ന വിഷയം  ഡോ. തോമസ് തേവര അവതരിപ്പിച്ചു. പുതുപ്പാടിയില്‍ മികച്ച ലൗഗ്രീന്‍ ക്ലബിനുള്ള അവാര്‍ഡ് പി.കെ. ഗോപിയില്‍ നിന്നും ടി.കെ. ട്രസ്റ്റ് പ്രിന്‍സിപ്പല്‍ ഡോ. ഷാനവാസ് ഏറ്റുവാങ്ങി.
ബെസ്റ്റ് കോഡിനേറ്റര്‍ പി.ഡി. ബേബിയ്ക്കും, മോസ്റ്റ് കമ്മിറ്റ്‌മെന്റ് അവാര്‍ഡ് എ.കെ  അബ്ദുല്‍ബഷീറിനും അദ്ദേഹം സമ്മാനിച്ചു. ഗ്രാമപഞ്ചായത്ത് മെമ്പര്‍ ജലീല്‍ കോയ തങ്ങള്‍, ടി.കെ പരീക്കുട്ടി ഹാജി, പ്രൊഫ. കെ.കെ മഹ്മൂദ്, കെ.ടി. സെബാസ്റ്റ്യന്‍, ശശീധരന്‍, ഡോ. ഷാനവാസ്, ടി.കെ. അന്‍വര്‍, അഹമ്മദ് മാസ്റ്റര്‍, സജി തോമസ് സംസാരിച്ചു.  ജില്ലാ സെക്രട്ടറി വി.പി. സുകുമാരന്‍ സ്വാഗതവും, കണ്‍വീനര്‍ എ.കെ. അബ്ദുല്‍ബഷീര്‍ നന്ദിയും പറഞ്ഞു.