ആലപ്പുഴ : പത്രപ്രവര്‍ത്തക യൂനിയന്‍ ജില്ലാ കമ്മിറ്റിയുടെ നേതൃത്വത്തില്‍ അന്തരിച്ച പ്രസിദ്ധ ഫോട്ടോഗ്രഫര്‍ വിക്ടര്‍ ജോര്‍ജ് അനുസ്മരണവും പത്രപ്രവര്‍ത്തക ദിനവും ആചരിച്ചു. പ്രസിഡന്റ് വി.എസ് ഉമേഷ് അധ്യക്ഷനായി. മാധ്യമരംഗത്തെ തൊഴിലാളി പീഢനത്തിനെതിരേ, തൊഴിലാളി അരക്ഷിതാവസ്ഥയ്‌ക്കെതിരേ എന്ന വിഷയത്തില്‍ സംഘടിപ്പിച്ച സെമിനാറില്‍ എ.ഐ.ടി.യു.സി ജില്ലാ സെക്രട്ടറി അഡ്വ. വി മോഹന്‍ദാസ്, ബി.എം.എസ് ജില്ലാ സെക്രട്ടറി സി.ജി ഗോപകുമാര്‍, സി.ഐ.ടി.യു ജില്ലാ ജോയിന്റ് സെക്രട്ടറി പി.പി ചിത്തരഞ്ജന്‍ എന്നിവര്‍ പങ്കെടുത്തു. പത്രപ്രവര്‍ത്തക യൂനിയന്‍ ജില്ലാ സെക്രട്ടറി ജി ഹരികൃഷ്ണന്‍ സ്വഗതവും ജില്ലാ എക്‌സിക്യൂട്ടീവ് അംഗം ടി.കെ അനില്‍കുമാര്‍ കൃതജ്ഞതയും പറഞ്ഞു.