ന്യൂഡല്‍ഹി: ശ്രീനഗര്‍ ലോക്‌സഭാ മണ്ഡലത്തിലെ 38 പോളിങ് സ്‌റ്റേഷനുകളില്‍ വ്യാഴാഴ്ച റീപോളിങ് നടത്തുമെന്ന് തെരഞ്ഞെടുപ്പ് കമ്മിഷന്‍ പ്രഖ്യാപിച്ചു. കഴിഞ്ഞ ഞായറാഴ്ച നടന്ന ഉപതെരഞ്ഞെടുപ്പില്‍ കനത്ത സംഘര്‍ഷമുണ്ടായതിനെത്തുടര്‍ന്നാണ് ഇവിടെ വീണ്ടും തെരഞ്ഞെടുപ്പ് നടത്തുന്നത്.

കശ്മീരിലെ ബുഡ്ഗാം ജില്ലയില്‍ വ്യാപകമായി ഉണ്ടായ സംഘര്‍ഷത്തില്‍ ഏഴ് സാധാരണക്കാര്‍ കൊല്ലപ്പെട്ടിരുന്നു. വ്യാപകമായി വാഹനങ്ങള്‍ കത്തിക്കപ്പെടുകയും കെട്ടിടങ്ങള്‍ തകര്‍ക്കപ്പെടുകയും ചെയ്തു. സംഘര്‍ഷത്തെത്തുടര്‍ന്ന് വെറും ഏഴു ശതമാനത്തില്‍ താഴെ മാത്രമാണ് പോളിങ് നടന്നിരുന്നത്.