തേഞ്ഞിപ്പലം: വിദ്യാര്‍ഥികളില്‍ വര്‍ധിച്ച് വരുന്ന തിന്മകള്‍ക്കെതിരേ സ്‌കൂള്‍ അധികൃതര്‍ ഉണര്‍ന്ന് പ്രവര്‍ത്തിക്കണമെന്ന് അസോസിയേഷന്‍ ഓഫ് സമസ്ത മൈനോരിറ്റി ഇന്‍സ്റ്റിറ്റിയൂഷന്‍സ്( അസ്മി) സംസ്ഥാന പ്രസിഡന്റ് പാണക്കാട് അബ്ബാസലി ശിഹാബ് തങ്ങള്‍ പറഞ്ഞു. കോഹിനൂര്‍ ലീ കാഞ്ചീസ് ഓഡിറ്റോറിയത്തില്‍ നടന്ന അസ്മി സ്‌കൂള്‍ മാനേജ്‌മെന്റ് ശില്‍പ ശാലയില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

ശില്‍പശാല ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു. ഡോ. എന്‍.എ.എം അബ്ദുല്‍ ഖാദര്‍, യു. ശാഫി ഹാജി ചെമ്മാട്, കെ.കെ.എസ് തങ്ങള്‍, അഹമ്മദ് വാഫി കക്കാട്, ഒ.കെ.എം കുട്ടി ഉമരി , എം.എ ഖാദര്‍, അഡ്വ. പി.പി ആരിഫ്, അഡ്വ. നാസര്‍ കാളമ്പാറ, അനീസ് ജിഫ്‌രി തങ്ങള്‍, മജീദ് പറവണ്ണ സംസാരിച്ചു. അസ്മി സംസ്ഥാന ജന. സെക്രട്ടറി ഹാജി പി.കെ മുഹമ്മദ് സ്വാഗതവും സെക്രട്ടി നവാസ് ഓമശ്ശേരി നന്ദിയും പറഞ്ഞു.
അബ്ദുറഹ്മാന്‍ കായക്കൊടി, റഹീം ചുഴലി, റഷീദ് കമ്പളക്കാട് എന്നിവര്‍ ക്ലാസുകള്‍ക്ക് നേതൃത്വം നല്‍കി. സംസ്ഥാനത്തിനകത്തും പുറത്തുമായി അസ്മിയുടെ കീഴില്‍ രജിസ്റ്റര്‍ ചെയ്ത മുന്നൂറോളം സ്‌കൂളുകളില്‍ നിന്നുമുള്ള മാനേജ്‌മെന്റ് പ്രതിനിധികള്‍ സംബന്ധിച്ചു.