മലപ്പുറം: നാട്ടിലേക്ക് മടങ്ങാന്‍ സര്‍ക്കാര്‍ ഒരുക്കുന്ന ട്രെയിന്‍ സംവിധനങ്ങള്‍ക്കായി കാത്തിരിക്കുന്ന വിവിധ സംസ്ഥാനങ്ങളിലെ മലയാളി വിദ്യാര്‍ഥികളെ കേരള സര്‍ക്കാര്‍ നിരന്തരം കബളിപ്പിക്കുകയാണെന്ന് എം.എസ്.എഫ്. പല സര്‍വകാലശാലകളുടെയും ഹോസ്റ്റലുകള്‍ ഒഴിവാക്കാന്‍ വിദ്യാര്‍ഥികള്‍ക്കു ലഭിച്ച സമയപരിധി അവസാനിച്ചിട്ടും ഇവരെ നാട്ടിലെത്തിക്കാന്‍ റെയില്‍വേയുമായി ബന്ധപ്പെട്ട് യാതൊരു നടപടിയും സംസ്ഥാന സര്‍ക്കാര്‍ കൈക്കൊണ്ടിട്ടില്ലെന്ന് ദേശീയ പ്രസിഡന്റ് ടി.പി അഷ്‌റഫലി വാര്‍ത്താസമ്മേളനത്തില്‍ ആരോപിച്ചു.